Türkiyə kəşfiyyatı: «İslam dövləti» Azərbaycanda polislərə qarşı terror aktları hazırlayır

 “İslam dövləti” (İD) terror qruplaşması Suriyadan Avropaya terrorçu-kamikadzelərin keçirilməsi üçün yeni marşrutdan istifadə etməyə başlayıb.

Bu marşrut Azərbaycan, Kipr və Gürcüstandan keçir. Bu barədə Türkiyənin “Milliyyət” qəzeti kəşfiyyatdakı mənbələrə istinadən yazıb.

Qəzetin məlumatına görə, İD Azərbaycanda və Şimali Qafqazdakı gizli qruplarına terrorçu-kamikadzelərdən istifadə etməklə Azərbaycanda polislərə və onların ailə üzvlərinə qarşı terror aktlarının hazırlanmasını tapşırıb. Türkiyə Baş Təhlükəsizlik İdarəsi tərəfindən müvafiq xəbərdarlıq iyunda edilib. Türkiyə xüsusi xidməti İD-nin Ankara, İstanbul və İzmirdə hərbçilərə, polislərə və kürd ictimai xadimlərə qarşı hücumları hazırlaması barədə xəbərdarlıq edib.

İstanbulda Atatürk hava limanında baş vermiş terror aktından sonra Türkiyə hakimiyyəti ölkədə əlavə təhlükəsizlik tədbirləri həyata keçirir.-02D-