![Türkiyə Suriyaya uçan Ermənistana məxsus təyyarəni yerə endirib](https://turan.az/resized/750/500/resize/media/2012/main/110800017439.jpg)
Türkiyə Suriyaya uçan Ermənistana məxsus təyyarəni yerə endirib
Noyabrın 8-də Türkiyə hakimiyyəti Suriyaya humanitar yardım aparan Ermənistan təyyarəsini ölkənin şimal-şərqində Ərzurumda yerə enməyə məcbur edib. Bu barədə Reuters yerli KİV-ə istinadən bildirib.
Türkiyə hərbi qulluqçuları yükləri baxış üçün götürüblər. Hələlik Ankara tərəfdən bununla bağlı rəsmi şərh yoxdur. Yerevan da insidenti şərh etmir.
Bu il oktyabrın 15-də də analoji insident baş verib. Türkiyə HHQ Ermənistanın nəqliyyat təyyarəsini Ərzurumda enməyə məcbur edib. O zaman hava gəmisinin dayanacağı öncədən Yerevanla danışılıb.
Bundan bir həftə əvvəl bu cür hadisə Moskvadan Dəməşqə gedən Suriya sərnişin təyyarəsi ilə baş verib. Türkiyə HHQ-nin F-16 qırıcıları mülki gəmini müşayiət edərək onu Ankarada yerə enməyə məcbur ediblər.
Baxış zamanı “hərbi təyinatlı yük” tapılıb. Bu barədə Türkiyənin rəsmi nümayəndələri bildiriblər.
Eyni zamanda Rusiya XİN göstərilən ittihamları rədd edərək bildirib ki, təyyarənin bortunda qadağan edilmiş mal olmayıb. Türkiyə hərbi qulluqçuları yükün bir hissəsini müsadirə ediblər, bundan sonra təyyarənin uçmasına icazə verilib.
Moskva və Ankara türklərin müsadirə etdikləri malın qaytarılması ilə bağlı danışıqları davam etdirirlər. Bəzi KİV-in məlumatına görə, söhbət Tula müdafiə-konstruktor müəssisəsinin məhsullarından gedir.—0--
-
- İqtisadiyyat
- 8 Noyabr 2012 13:15
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz