Helikopterin düşdüyü yer
Türkiyənin İsparta vilayətində hərbi helikopter qəzası nəticəsində şəhid olanların sayı altıya yüksəlib, şənbə günü Milli Müdafiə Nazirliyi məlumat yayıb.
Qəza İsparta Quru Aviasiya Məktəbində təlim uçuşu zamanı iki helikopterin havada toqquşması nəticəsində baş verib. Helikopterlərdən biri qəzaya uğrayıb, digəri isə təhlükəsiz eniş edə bilib.
İsparta valisi Abdullah Erin bildirib ki, şəhidlərdən biri İsparta Quru Aviasiya Məktəbinin komandanı general-mayor İsa Baydillidir.
Azərbaycanın müdafiə naziri, general-polkovnik Zakir Həsənov Türkiyənin milli müdafiə naziri Yaşar Gülerə başsağlığı ünvanlayaraq itkiyə görə dərin kədərini ifadə edib. “Sizin acınız bizim də acımızdır,” - deyə Həsənov vurğulayıb və şəhid hərbçilərin ailələrinə başsağlığı diləklərini çatdırıb.
Qəzaya uğramış helikopterin UH-1 modeli olduğu açıqlanıb və hadisə ilə bağlı araşdırmalar davam edir.
Siyasət
-
Azərbaycan prezidenti İlham Əliyev Somali dövlət başçısının Bakıya səfərinin iki ölkə arasında "sıx dostluq münasibətlərində yeni səhifə açacağına" əminliyini bildirib.
-
Rusiya Azərbaycan qazının Ukraynanın qaz-nəqliyyat sistemindən istifadə ilə Aİ-yə tədarükü mümkünlüyünü müzakirə etmir. Bu barədə çərşənbə axşamı jurnalistlərə Rusiya baş nazirinin müavini Aleksandr Novak bildirib. "Müzakirə olunmur", deyə o qeyd edib.
-
Fevralın 12-də Bakı Apellyasiya Məhkəməsi jurnalist Ramin Cəbrayılzadənin (Deko) ev dustaqlığına keçirilməsindən imtina ilə bağlı verilmiş şikayəti təmin etməyib, bu barədə onun vəkili Nemət Kərimli bildirib. Müdaifə tərəfi bu qərarı əsassız hesab edir, belə ki, Meydan TV-nin işi üzrə həbs edilmiş Deko barəsində istintaq hərəkətləri aparılmır.
-
"Azərbaycanda Siyasi Məhbusların Azadlığı Uğrunda" İttifaq 357 nəfərdən ibarət yenilənmiş siyasi məhbuslar siyahısını dərc edib. 12 dekabr 2024-cü il tarixli əvvəlki siyahı ilə müqayisədə siyasi məhbusların sayı 26 nəfər artıb.
Rəy yaz