Türkiyəli erməni iqtisadiyyat üzrə Nobel mükafatının laureatı olub

Bu il iqtisadiyyat üzrə Nobel mükafatını  "millətlərin rifahındakı fərqləri araşdırdıqlarına" görə Daron Əcəmoğlu, Ceyms Robinson və Saymon Conson alıblar.

Əcəmoğlu erməni əsilli Türkiyə vətəndaşıdır. 1986-cı ildə İstanbul Qalatasaray Liseyini bitirib.

1989-cu ilin iyununda York Universitetində (Böyük Britaniya) bakalavr dərəcəsi, 1990-1992-ci illərdə London İqtisadiyyat Məktəbində magistr və doktorluq dərəcəsi alıb. 2004-cü ildən ABŞ  Massaçusets Texnologiya İnstitutu tətbiqi iqtisadiyyat kafedrasının professorudur.

2012-ci ildə Əcəmoğlu iqtisadçı Ceyms Robinsonla birlikdə mühüm siyasi iqtisadi bestsellerlərdən birinə çevrilən "Niyə bəzi ölkələr varlı, digərləri kasıbdır?" kitabını nəşr etdirib. 2019-cu ildə eyni müəlliflə birlikdə politologiya və şəxsiyyət azadlığı məsələlərinə həsr olunmuş "Dar dəhliz" kitabını nəşr etdirib.

2018-ci ildə Ermənistanın baş naziri Nikol Paşinyan Əcəmoğlunu ölkə iqtisadiyyatının bərpasında iştiraka dəvət edib, lakin o imtina edib. Əcəmoğlu sözügedən kitabında uğursuz ölkə  kimi Ermənistanın adını çəkib.