![Türkmənistanın KİV haqqında qanunu yararsızdır](https://turan.az/resized/media/2013/main/010900023956-750-500-resize.webp)
Türkmənistanın KİV haqqında qanunu yararsızdır
Yanvarın 6-da Türkmənistanda ölkə tarixində ilk dəfə kütləvi informasiya vasitələrinin fəaliyyətini tənzimləyən qanun qüvvəyə minib. Prezident Qurbanqulu Berdıməhəmmədov yanvarın 3-də müvafiq fərmanı imzalayıb, bundan sonra qanunun mətni dövlət KİV-lərində dərc edilib.
Yeni qanun ölkə vətəndaşlarına xarici kütləvi informasiya vasitələrinə maneəsiz çıxış verir və senzuranı və dövlət orqanlarının vəzifəli şəxsləri tərəfindən KİV-in fəaliyyətinə maneə göstərilməsini qadağan edir.
Sənəd təkcə dövlət hakimiyyəti orqanlarının deyil, hüquqi şəxslərin və ictimai təşkilatların, habelə 18 yaşını tamamlamış ölkə vətəndaşlarının kütləvi informasiya vasitəsi təsis etməsi mümkünlüyünü nəzərdə tutur.
Dövlət kütləvi informasiya vasitələrinin inkişafına dövlət büdcəsindən vəsait ayıracaq və vergi imtiyazları ilə təmin edəcək.
Yerli KİV-lərin məlumatına görə, hazırda Türkmənistanda bir informasiya agentliyi, yeddi milli telekanal, beş yerli radiostansiya və 39 çap mətbuatı fəaliyyət göstərir. Demək olar ki, bütün qəzetlərin təsisçisi Qurbanqulu Berdıməhəmmədovdur.
“Sərhədsiz reportyorlar” beynəlxalq mətbuat azadlığını müdafiə təşkilatı yeni qanunu yararsız adlandırıb. İstənilən qanunu kağıza yazıb qəbul etmək olar, lakin onun tətbiqi təmin edilməlidir. Bu mənada Türkmənistanda demokratikləşmə, söz və ifadə azadlığı gözləməyə dəyməz. Hakimiyyət bunu təmin etmək istəyirsə, qoy jurnalistləri həbsxanalardan azad etsin və fikirlərini ifadə etdiklərinə görə insanların təqibinə son qoysun, deyə təşkilatın bəyanatında bildirilir. -02D-
-
- Cəmiyyət
- 9 Yanvar 2013 15:51
-
- İqtisadiyyat
- 9 Yanvar 2013 15:59
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz