Üç gənc fəal 10 sutka həbs edilib
Arrelin 30-da Neft Akademiyasında kütləvi qətl qurbanlarının anım mərasimində iştirak edən gənc fəallardan üçü inzibati həbsə məruz qalıb.
Aprelin 30-da axşam Nəsimi Rayon Məhkəməsi AXCP Gənclər Komitəsinin sədri Əbülfəz Qurbanlını, NİDA hərəkatının İdarə Heyətinin üzvü Turqut Qəmbəri və “Azad gənclik” hərəkatının fəalı İlkin Rüstəmzadəni inzibati qaydada 10 sutka həbs edib.
Onlar bundan əvvəl də razılaşdırılmamış etiraz aksiyalarında iştiraka görə inzibati həbslərə və cərimələrə məruz qalıblar.
Xatırladaq ki, polis aprelin 30-da gənclərin Neft Akademiyasının korpusunda anım aksiyası keçirməsinə imkan verməyib. Polis başqa yerlərdə toplaşmış gəncləri də dağıdıb.
Bununla belə, 50-ə yaxın gənc dənizkənarı bulvara yürüş edərək çərşənbə axşamı türkiyəli pop ulduzu Mustafa Cecelinin konsertinin planlaşdırıldığı yerə çiçək dəstələri qoyublar. Bununla da onlar Neft Akademiyasında baş vermiş faciənin növbəti ildönümü günündə konsertin keçirilməsinə etiraz bildiriblər.
* 2009-cu il aprelin 30-da əslən Gürcüstandan olan Fərda Qədirov ADNA-nın binasına daxil olaraq tapançadan açdığı atəşlə 12 nəfəri öldürüb, 13 nəfəri yaralayıb. Sonra özünü güllələyib. İş üzrə F.Qədirovun 4 həmyerlisi – üç nəfər ömürlük, 1 nəfər 11 il azadlıqdan məhrum edilib. –16C06-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz