![İctimai birlik amnistiya aktının siyasi məhbuslara tətbiq olunmasını istəyir](https://turan.az/resized/./turan-750-500-resize.webp)
İctimai birlik amnistiya aktının siyasi məhbuslara tətbiq olunmasını istəyir
“Siyasi Məhbuslarsız Azərbaycan” ictimai birliyi ölkədəki siyasi məhbusların durumu ilə bağlı çərşənbə axşamı Müsavat Partiyasında dinləmələr keçirib.
Rəsmi Bakının son vaxtlar haqsızlığa etiraz edən vətəndaşların kütləvi həbsə alınması növbəti “siyasi repressiya dalğası” kimi dəyərləndirilib.
“Binə” ticarət mərkəzi sahibkarlarının, 26 yanvar İsmayıllı hadisələrində, əsgər ölümlərinə etiraz aksiyalarındakı iştiraka görə həbslər, “NİDA” gənclər hərəkatı üzvlərinin həbsləri siyasi sifariş adlandırılıb. Eyni zamanda dindar kəsimin nümayəndələrinin həbslərinin də vətəndaş fəallığı ilə bağlı olduğu vurğulanıb.
Baş prokuror Zakir Qaralovun inzibati hüquqpozmalarla bağlı həbslərin 15 gündən 6 aya qaldırılması təklifi kəskin tənqid edilib. Bu təklifin seçkilər ərəfəsində vətəndaşların fəallığının qarşısının alınması üçün ortaya atıldığı nəzərə çatdırılıb.
Dinləmələrin yekunu olaraq bəyanat qəbul edilib. Bəyanatda siyasi həbslər pislənilib, gözləniləın amnistiya aktının ölkədəki bütün siyasi məhbuslara şamil ediləcəyinə ümid bəslənildiyi qeyd olunub. -05C-
Siyasət
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
Rəy yaz