Ukrayna dəmir yolları Azərbaycana dəmir yolu daşımaları tariflərini 50% azaltmaq xahişi ilə Azərbaycana müraciət edib. Ukrayna KİV-in məlumatına görə, bu barədə Ukrayna Dəmir Yolları İdarəsinin Kommersiya Departamentinin rəhbəri İvan Xoryakov bildirib.
İ.Xoryakovun sözlərinə görə, Ukrayna Orta Asiyaya yük nəqli üçün alternativ yol tapmasa, hər il milyon ton yük dövriyyəsi itirəcək. Ukrayna məmuru qeyd edir ki, Gürcüstan və Azərbaycandan keçən dəhlizin cazibəsini artırmaq üçün tarifləri azaltmaq və yük daşımalarını sürətləndirmək lazımdır.
“Tarifləri təkcə dəmiryolçular deyil, Xəzər vasitəsilə bərə keçidlərini təmin edən şirkətlər də azaltmalıdır. Eyni zamanda, limanda rüsumlar azaldılmalıdır”, deyə o bildirib.
Xatırladaq ki, Rusiya öz ərazisindən Ukrayna yüklərini buraxmaqdan imtina edib. Buna cavab olaraq, Ukrayna Gürcüstan və Azərbaycanla Qara dənizdən və Cənubi Qafqaz ərazisindən Mərkəzi Asiyaya daşımalar haqqında razılıq əldə edib. -02D-
Siyasət
-
Azərbaycan ordusunun Baş Qərargah rəisi Kərim Vəliyev Brüsseldə NATO Hərbi Komitəsi Baş Qərargah rəisləri formatında keçirilən iclasda iştirak edib.
-
“Azel” TV saytının rəhbəri Əfqan Sadıqovun Gürcüstandan Azərbaycana ekstradisiyası Avropa İnsan Hüquqları Məhkəməsinin qərarı ilə bir həftə müddətinə dayandırılıb. Bu barədə Gürcüstan Sosial Ədalət Mərkəzinin rəhbəri, Sadıqovun hüquqi müdafiəsini həyata keçirən Tamta Mikeladze Facebook-da yazıb.
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
Rəy yaz