Ukrayna hökuməti ölkənin blokdankənar statusunun ləğv edilməsi və NATO-ya üzvlük kursunun bərpa edilməsi haqqında qanun layihəsini baxılması üçün parlamentə çıxarır.
Kabinet rəhbəri Yatsenyuk cümə günü hökumətin iclasında bildirib ki, hökumət Ukraynanın blokdankənar statusunu ləğv etməyi təklif edəcək, xəbəri UNİAN agentliyi yayıb.
Yatsenyukun sözlərinə görə, qanun layihəsində deyilir ki, “Ukraynanın xarici siyasətində yeganə məqsədi Avropa İttifaqına üzvlükdür”.
“Bu qanun layihəsi Ukrayna dövlətinin istənilən digər iqtisadi, siyasi və ya hərbi ittifaqlara üzvlük haqqında qərar qəbul etməsini qadağan edir.
Belə bir qanunun qəbul edilməsi o deməkdir ki, Ukraynaya həm Rusiya Federasiyası adına Sovet İttifaqından başqa bir şey olmayan Gömrük və Avrasiya İttifaqlarına, həm də digər müxtəlif növ “ittifaqlara” üzvlük qadağan ediləcək”, deyə Yatsenyuk qeyd edib.
O, qanun layihəsinə təcili olaraq baxmağa çağırıb. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz