Ukrayna Rusiyanın təcavüzünü dəf etmək üçün xarici dövlətləri dəvət edəcək

Ukrayna prezidenti Pyotr Poroşenko Silahlı Qüvvələrin Baş Qərargahına yeni taktka hazırlamağı həvalə edib. Bu, xarici dövlətlərin silahlı qüvvələrinin cəlb olunması ilə hərəkət etməyə imkan verəcək. Bu barədə prezidentin mətbuat xidməti bildirib.

“Biz taktikanı dəyişirik. Bu, bizə xarici dövlətlərin silahlı qüvvələrini cəlb etməklə keyfiyyətli  hərəkət etməyə imkan verəcək”, - Poroşenko deyib. Prezident qeyd edib ki, onun tapşırığı ilə Baş Qərargah hazırda qoşunların yenidən dislokasiyasını planlaşdırır. Həmçinin Poroşenko Ukrayna Silahlı Qüvvələrinin hərbi döyüşlərinin maksimum effektivliyini təmin etmək üçün bütün tədbirlərin görülməsini Milli Təhlükəsizlik və Müdafiə Şurasının (MTMŞ) qarşısında qaldıracaq.

“Bizdə Rusiya Federasiyası ərazisindən Ukraynaya atəş açılması iə bağlı birbaşa və sübuta yetirilmiş faktlar  var. Videosübutlar, təkzibedilməz sübutlar, ifadələr, peyk fotoçəkilişləri var”, - o bildirib. Poroşenkonun sözlərinə görə, Rusiya tərəfindən Ukrayna təyyarələrinə qarşı  “Qrad” yaylım atəşi sistemindən, zenit raketlərindən istifadə olunması ilə bağlı sübutlar var. “Bu, münaqişəni tamamilə başqa müstəviyə keçirir”, - dövlət başçısı qeyd edib.. -02D-