![Həsən Hüseynlinin həbsi maarifçilik hərəkatına qarşı zorakılıq aktı kimi qiymətləndirilir](https://turan.az/resized/750/500/resize/media/2014/main/071800084556.jpg)
Həsən Hüseynlinin həbsi maarifçilik hərəkatına qarşı zorakılıq aktı kimi qiymətləndirilir
"Siyasi Məhbuslarsız Azərbaycan" İctimai Alyansı Həsən Hüseynlinin sifarişli həbsini hakimiyyətin vətəndaş cəmiyyətinə, ziyalılara, ölkədəki maarifçilik hərəkatına qarşı növbəti hücum və zorakılıq aktı kimi qiymətləndirir. Bu barədə "Siyasi Məhbuslarsız Azərbaycan" İctimai Alyansının bəyanatında deyilir.
Alyans hakimiyyətdən Həsən Hüseynli başda olmaqla həbsdə olan bütün siyasi məhbusların dərhal və qeyd-şərtsiz azad edilməsini, vətəndaşlara qarşı apardığı repressiyalara son qoyulmasını tələb edir.
İyulun 14-də Gəncənin Nizami Rayon Məhkəməsində xuliqanlıqda və qanunsuz soyuq silah saxlamaqda ittiham edilən “Kamil Vətəndaş" Maarifləndirmə Mərkəzinin rəhbəri Həsən Hüseynlinin barəsində ümumilikdə 6 il olmaqla ( 5 il 11 ay 28 gün) həbs hökmü çıxarılıb.
Məhkəmə müdafiə tərəfinin təqdim etdiyi çoxsaylı vəsatətləri qəbul etməyərək dəlil və sübutları araşdırmadan növbəti siyasi sifarişli hökmə imza atıb. -03D-
-
- İqtisadiyyat
- 18 İyul 2014 14:37
Siyasət
-
İyulun 30-da Bakı Ağır Cinayətlər Məhkəməsində Həmkarlar İttifaqı fəalı Afiyəddin Məmmədovun işi üzrə prosesdə iki şahidin – Daxili İşlər Nazirliyinin çevik alayının əməkdaşları Mustafa İsmayılovun və Sadiq Həsənlinin ifadələri dinlənilib.
-
İran prezidentinin andiçmə mərasimində iştirak etmək üçün Tehrana gedən Azərbaycanın baş naziri Əli Əsədovu təkcə vitse-prezident Məhəmməd Rza Arif qəbul edib.
-
Bakı Ağır Cinayətlər Məhkəməsində jurnalistlərin məhkəmə proseslərinə buraxılması dayandırılıb.
-
Ermənistan və Türkiyə Axurik-Akyaka dəmir yolu sərhəd keçidinin bərpası imkalarını nəzərdən keçirəcəklər, Ermənistan Xarici İşlər Nazirliyi iki ölkənin xüsusi nümayəndələri Ruben Rubinyan və Sərdar Kılıçın sərhəddə görüşünün yekunları barədə bildirib, "Sputnik-Armeniya" məlumat yayıb.
Rəy yaz