Ukraynanın keçmiş müdafiə naziri: Ölkə tarixinin ən kritik dövrünü yaşayır

Ukraynanın keçmiş müdafiə naziri Yevgeni Marçuk bu gün bildirib ki, Rusiya Ukraynada xüsusi əməliyyatın ikinci mərhələsinə hazırlaşır. UNİAN-ın yaydığı məlumata görə, bu barədə Marçuk Kiyevdə keçirilən mətbuat konfransında bildirib. Marçukun sözlərinə görə, xüsusi əməliyyatın ikinci mərhələsi “Krım fazasından” daha təhlükəli ola bilər.

“Bu gün təhlükəsizlik üzrə ekspertlər görürlər ki, təxminən yaxın iki gündə Ukrayna müstəqillik illəri ərzində tarixinin ən kritik dövrünü yaşayacaq”, deyə Marçuk bildirib.

Onun sözlərinə görə, hərbiçilər üçün çox “dəqiq indikatorlar” var, xüsusən gizləmək mümkün olmayab hücum xarakterli genişmiqyaslı əməliyyat hazırlanır. “Amma elə əməliyyatlar, onların elə tərkib hissələri, elə mərhələləri var ki, onları uzun müddət saxlamaq mümkün deyil. Onları ya geri çəkmək, ya da irəliyə doğru həyata keçirmək lazımdır”, deyə o izahat verib.

Bu gün Doneskdə və bu şəhərin ətrafında mülki geyimli “turistlərin” cəmləşməsi müşahidə olunur və onların “təşkilati fəallığı” görünür.

“Əvvəlcə müntəzəm rus qoşunlarının Ukrayna ərazisinə qeyri-kütləvi hücumu baş verə biləcəyinin bütün əlamətləri var. Bu, hərbi forma geyməmiş böyük mütəşəkkil qrup olacaq, amma onların əksəriyyəti avtomat silahla silahlanmış olacaq. Daha sonra isə müvafiq əməliyyatlar”, deyə Marçuk bildirib.

Bir müddət əvvəl ABŞ hərbi kəşfiyyatı Konqresə Rusiyanın şərqi Ukrayna ərazisinə hərbi hücumu ehtimalının indiyədək düşünüldüyündən daha çox olduğu haqqında məlumat verib. Amerika kəşfiyyatının məlumatına görə, Rostov-na-Donu, Kursk və Belqorod bölgələrində 30 000 əsgərdən çox qrup cəmləşib, əsasən sürətli atışlar üçün nəzərdə tutulmuş motorlu bölmələrin tərkibində.

Martın 24-də Bryansk vilayətinin cənub-qərbində 4-cü qvardiya Kantemir tank diviziyasının 12 tank alayının texnikası görünüb (rus quru qoşunlarının elitası, müntəzəm olaraq “Krasnaya Ploşad”da paradlarda iştirak edir). Bu birləşmə Novizibka-Klimovo bölgəsinə göndərilib və çox güman ki, Çerniqov vasitəsilə Ukrayna paytaxtına hücum etməyə hazırdır. -02В-