Ümid Partiyası prezident seçkilərində öz namizədi ilə iştirak etməyəcək
Bakı/11.02.18/Turan: Ümid Partiyası aprelin 11-də keçiriləcək növbədənkənar prezident seçkilərində öz namizdəi ilə iştirak etməyəcək. Bu barədə partiyanın fevralın 10-da keçirilən Ali Məclisi qərar qəbul edib.
Ali Məclisdə bildirilib ki, partiya nizamnaməsinə görə partiyanın prezidentliyə namizədini yalnılz qurultay müəyyən edə bilər. Aprelin 11-dək isə qurultay keçirmək vaxt baxımından qeyri mümkündür.
Partiyanın sədri İqbal Ağazadə bildirib ki, növbədənkənar seçkilərdə partiyanın öz namizədi ilə iştirakı nizmnamə tələbləri baxımından əlverişli deyil.
"Biz mayın 28-də qurultayımızı keçirmək barədə qərar qəbul etmişik. Növbədənkənar prezident seçkilərində iştirak edənlərin də, boykot edənlərin də hüquqlarına hörmətlə yanaşırıq. Üzvlərimizin də konstitusion hüquqlarını müdafiə edirik. Partiya üzvləri seçkilərdə iştirakda sərbəstdir", o qeyd edib.
Partiyanın Məclisi hökumətə və müxalifətə müraciət qəbul edib. Sənəddə hökumət müxalifət və vətəndaş cəmiyyəti ilə dialoqa dəvət edilir.
Sənədlərdə deyilir ki, əgər prezident bir ay yarım qabaq Rusiya kanalına müsahibəsində prezident seçkilərinin vaxtında keçiriləcəyini, Davos Forumunda isə təhlükələr olduğunu deyirsə, biz ölkənin problemlərini bir yerdə müzakirə etməliyik. Hökumət ölkəni gözləyən problemləri ictimaiyyətə açıqlamalı və problemlər ictimai müzakirəyə çıxarılmalıdır.
Patiyanın Ali Məclisi hökuməti bütün siyasi məhbusları azadlığa buraxmağa çağırıb.-0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz