USAID Samanta Pauerin İlham Əliyevlə görüşü barədə

Bakı/28.09.23/Turan: Sentyabrın 27-də Bakıda USAID administratoru Samanta Pauer, dövlət katibinin köməkçisi Yuri Kim və Qafqaz üzrə xüsusi nümayəndə Luis Bono prezident İlham Əliyevlə görüşüblər.

Müzakirələrin mərkəzində Dağlıq Qarabağda təxirəsalınmaz humanitar vəziyyət olub.

Pauer Dağlıq Qarabağa, o cümlədən Laçın dəhlizində ilişib qalanlara maneəsiz humanitar çıxışın təmin edilməsinin vacibliyini vurğulayıb, bu barədə USAID-dən Turan-a daxil olan məlumatda deyilir.

Adamların hüquqlarına riayət olunmasının yoxlanılması, mədəni və dini obyektlərin qorunması üçün Dağlıq Qarabağda beynəlxalq müşahidəçilərin  iştirakının vacibliyi müzakirə edilib.

Pauer prezident Əliyevin etnik ermənilərin hüquq və təhlükəsizliyinin qorunmasına sadiqliyini, həmçinin bu öhdəliyi nümayiş etdirən addımları qeyd edib.

O, Ermənistanın suverenliyinə və ərazi bütövlüyünə hörmətin, tərəflərin uzunmüddətli sülh danışıqlarını təsdiqləməsinin vacibliyini və ABŞ-ın bu prosesi dəstəkləməyə hazır olduğunu bildirib,-USAID-in press-relizində deyilir. 0