Açiq mənbələrdən foto.
Qarabağ ermənilərinə elektron qeydiyyatdan keçmək və Azərbaycanın dövlət xidmətlərindən istifadə etmək təklif olunub
Bakı/28.09.23/Turan: Qarabağ ermənilərinin reinteqrasiyası prosesi çərçivəsində ilk növbədə bölgədə yaşayan şəxslərin qeydiyyatı aparılacaq. Müraciətlərin qəbulu və qeydiyyata alınma prosesi Dövlət Miqrasiya Xidməti tərəfindən bu məqsədlə yaradılmış xüsusi portal vasitəsilə elektron qaydada həyata keçiriləcək. Bu barədə Prezident Administrasiyasının məlumatında deyilir.
İlkin qeydiyyat erməni sakinlərin bütün dövlət xidmətlərindən səmərəli şəkildə yararlanmasına, həmçinin sosial-iqtisadi və humanitar ehtiyaclarının qarşılanmasına imkan yaradacaq.
Erməni sakinlər İlkin qeydiyyat üçün reintegration.gov.az portalına və ya aşağıdakı əlaqə vasitələrilə (telefon, WhatsApp, elektron poçt) müraciət edə bilər:
Telefon nömrəsi: +994125260919
WhatsApp: +994705270919
Elektron poçt ünvanı: info@reintegration.gov.az
Əlavə olaraq, yaxın zamanda müraciətlərin yerlərdə qəbulu təşkil ediləcək.06В
Siyasət
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
-
Azərbaycan Talışlarının İctimai Şurasının (ATİŞ) İdarə Heyətinin üzvü Hilal Məmmədov yanvarın 23-də Dövlət Təhlükəsizliyi Xidmətində dövlətə xəyanətdə ittiham olunan tədqiqatçı İqbal Əbilovun işi üzrə şahid qismində dindirilib. Məmmədovun Turan-a verdiyi məlumata görə, onu Əbilovun fəaliyyəti, elmi əsərləri və nəşrləri haqqında sorğu-sual ediblər.
Rəy yaz