Siyasi partiyaların liderləri separatçı quruluşun özünü buraxmasının önəmi barədə

Bakı/28.09.23/Turan: Azərbaycanın aparıcı partiyalarının rəhbərləri sosial şəbəkədə "DQR"in özünü buraxmsına münasibət bildiriblər

Müsavat Partiyasının sədri Arif Hacılı qanunsuz respublikanın özünü buraxması barədə erməni separatçıların bəyanatını Azərbaycanın böyük və tarixi qələbəsi adlandırıb. O, Azərbaycan xalqını təbrik edərək qanunsuz "DQR"in ləğvini Azərbaycanda və bütövlükdə regionda yeni tarixi dövrün başlanğıcı kimi qiymətləndirib.

Azərbaycan Xalq Cəbhəsi Partiyasının sədri Əli Kərimli hesab edir ki, separatçı quruluşun özünü buraxmasından sonra Azərbaycanın növbəti hədəfi Rusiya qoşunlarının Qarabağdan çıxarılmasına nail olmaqdır.

Ümid"Partiyasının sədri İqbal Ağazadə  "DQR"in özünü buraxmasını Cənubi Qafqazda yeni dövrün başlanğıcı adlandırıb. "Cənubi Qafqazda Avropa İttifaqı tipli birliyin yaradılmasının vaxtı gəldi", - o, regionun gələcəyini qiymətləndirib.

Lakin bundan sonra Azərbaycanla Ermənistan arasında münaqişələrin olmaması üçün ermənilərin Qarabağdan tam şəkildə çıxması lazımdır, - o əlavə edib və açıqlama verib: "qalan ermənilər yeni Zori Balayanlar və Silva Kaputikyanlar (erməni separatizminin ideoloqları- red.) dünyaya gətirəcəklər.

İqbal Ağazale separatizm üzərində qələbədə prezident İlham Əliyevin xüsusi rolundan ayrıca danışıb.

Böyük Quruluş Partiyasının sədri, Milli Məclisin deputatı Fazil Mustafa separatçıların özünü buraxması barədə bəyanatı Azərbaycan diplomatiyasının uğuru hesab edir, belə ki, ermənilər öz gələcək düşüncələrini özləri ifşa etdilər. "Separatçıların özünü buraxma haqqında imzaladıqları sənəddən “bədbəxt ermənilərin soyqırımı"na dair yalanları ifşa etmək üçün istifadə olunmalıdır", - deputat hesab edir.--0