Ukraynanın xarici işlər naziri Leonid Kojara 2013-cü ildə ölkəsinin ATƏT-ə sədrliyi dövründə prioritetlərini açıqlayıb.
Kiyev uzanan münaqişələrin həllində, traffikinqə qarşı mübarizədə irəliləyiş əldə etməyə, KİV azadlığına şərait yaratmağa çalışacaq.
Vyanada ATƏT Daimi Şurasının iclasında çıxış edən Kojara qeyd edib ki, 2013-cü il üçün Ukraynanın prioritetlərinə uzanan münaqişələrin tərəflərinə siyasi həll yolunun axtarışında yardım etmək də daxildir. Bu, Dnestryanı tənzimləməsi, Gürcüstanda 2008-ci il avqust münaqişəsi üzrə Cenevrə müzakirələri və Dağlıq Qarabağ münaqişəsi üzrə danışıqlara aiddir.
“Əminik ki, uzanan münaqişələr əvvəlki kimi regional sabitliyimiz üçün ciddi təhlükə olaraq qalmaqdadır. Tərəflərə siyasi həll yolunun axtarışında köməklik göstərilməsi ATƏT üçün ən ali prioritet olaraq qalmalıdır”, deyə Kojara qeyd edib.
* Vyanada ATƏT Daimi Şurası ATƏT regionunda hadisələrin müzakirəsi və qərarların qəbulu üçün hər həftə çağırılır. -02D-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz