Varşavada İqbal Əbilova dəstək aksiyası
Oktyabrın 9-da Varşavada Azərbaycanda həbs edilmiş talış tədqiqatçı İqbal Əbilova dəstək aksiyası keçirilib.
Aksiya 1-10 oktyabr 2024-cü il tarixlərində ATƏT-in "2024 Warsaw Human Dimension" konfransının keçirildiyi Sofitel Victoria otelinin qarşısında keçirilib.
Bu gün sessiyada Əbilovun işi müzakirə olunacaq. Aksiya İqbalın dostları və həmkarları tərəfindən təşkil olunub. Onlar Azərbaycan hakimiyyətinə gənc alimin təqibinə son qoymaq və onu azad etmək çağırışı yer alan müraciətə imza toplamağa davam ediblər.
Bu, Əbilova dəstək üçün Avropa şəhərlərində keçirilən dördüncü aksiyadır. Bundan əvvəl Vilnyus, Haaqa və Strasburqda aksiyalar keçirilib.
* İqbal Əbilov iyulun 22-də Azərbaycana qohumlarının yanına gələrkən saxlanılıb. Ona qarşı Azərbaycan Cinayət Məcəlləsinin 274 (dövlətə xəyanət), 281.3 (xarici təşkilatların və ya onların nümayəndələrinin tapşırığı ilə dövlətə qarşı yönəlmiş ictimai çağırışlar) və 283.1-ci (milli, irqi, sosial və ya dini nifrət və düşmənçiliyin qızışdırılması) maddələrilə ittiham irəli sürülüb.
Əsasən, bütün bu cinayətlərin Ermənistanın xüsusi xidmət orqanlarının göstərişilə törədildiyi bildirilir.
Əbilov ittihamları rədd edir və yalnız elmi fəaliyyətlə məşğul olduğunu bildirir.
Dünyanın müxtəlif ölkələrindən bir qrup alim Azərbaycan rəhbərliyinə müraciət edərək İqbal Əbilovun azad edilməsinə köməklik göstərilməsini xahiş ediblər.
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz