29 oktyabr tarixində azərbaycanlı siyasi mühacirlərdən ibarət bir qrup Vaşinqtonda, Ağ Evin qarşısında Azərbaycanda siyasi məhbusların azad edilməsini tələb edən etiraz aksiyası keçirib.
Aksiya barədə məlumat sosial şəbəkələrdə yayılıb.
Aksiya zamanı iştirakçılar həmçinin ölkədə siyasi məhbusların mövcud olması səbəbilə Bakıda keçiriləcək COP29 iqlim konfransının boykot edilməsinə çağırıblar. Etirazçılar siyasi məhbusların portretlərini qaldıraraq onların azad edilməsini tələb ediblər.
Lakin Azərbaycan hakimiyyəti ölkədə insan hüquqlarının vəziyyəti ilə bağlı yerli və beynəlxalq təşkilatların tənqidlərini rədd edir. Rəsmi Bakı Azərbaycan vətəndaşlarının siyasi motivlərlə təqib edilməsi praktikasını inkar edir və "hamının qanun qarşısında bərabər olduğunu" bəyan edir.
Bu arada, yerli insan haqları qrupları ölkədə hazırda 319 siyasi məhbusun olduğunu bildirir.
Siyasət
-
Bu gün Bakıya gələn Almaniya xarici işlər naziri Annalena Berbek COP29 iqlim konfransı ərazisində mətbuat konfransı keçirib.
-
Noyabrın 21-də Bakıda BMT-nin İqlim Konfransı (COP29) məkanda iqlim fəalları çoxsaylı aksiyalar keçirib.
-
Şərq Tərəfdaşlığı Vətəndaş Cəmiyyəti Forumunun (EaP CSF) Baş Assambleyası cümə günü qəbul etdiyi qətnamədə Ukraynada Rusiyanın davam edən təcavüzündən qaynaqlanan geosiyasi gərginliklərin artdığı bir şəraitdə demokratik islahatlara, regional sabitliyə və Avropa inteqrasiyasına sadiqliyini bir daha təsdiq edib.
-
Bakı 1 saylı İstintaq Təcridxanasında saxlanılan fəal Nicat İbrahim əsassız cinayət təqibinə etiraz olaraq noyabrın 20-də özünə çoxsaylı xəsarət yetirib. Bu barədə Turan-a onun xanımı Pərvin İbrahim bildirib. Onun sözlərinə görə, noyabrın 21-də həyat yoldaşı zəng edərək deyib ki, ötən gün güzgü parçası ilə özünə xəsarət yetirib. O, boğazını və qulaqlarını kəsib.
Rəy yaz