VCMK Aİ-Azərbaycan sazişinin demokratik aspektini gücləndirməyə çağırır
Vətəndaş Cəmiyyətini Müdafiə Komitəsi Avropa İttifaqı və Azərbaycan arasında tərəfdaşlıq haqqında gələcək sazişin demokratik aspektini gücləndirməyə çağırıb.
Fevralın 6-da Brüsseldə Aİ və Azərbaycan arasında Strateji Tərəfdaşlıq Sazişinin hazırlanması haqqında danışıqlar başlayıb. Bu sənəd 1996-cı il tarixli Tərəfdaşlıq və Əməkdaşlıq Sazişini əvəz etməlidir.
“Azərbaycan Vətəndaş Cəmiyyətini Müdafiə Komitəsi Aİ və Azərbaycan arasında ikitərəfli münasibətlərin inkişafı və dərinləşməsinin, müxtəlif sahələrdə demokratik islahatların keçirilməsinin bünövrəsini qoyan yeni dialoqun başlamasını alqışlayır.
Bununla belə, PCA sazişində təqdim edilmiş vəzifələrin öz həllini tapmayacağı narahatlıq doğurur, çünki əməkdaşlığın azad cəmiyyət kimi mühüm komponenti Azərbaycanda hələ də formalaşmayıb. Ölkədə siyasi partiyaların, QHT-lərin, KİV-lərin fəaliyyəti, toplaşmaq azadlığı məhdudlaşdırılıb, siyasi məhbusların sayı durmadan artır”, deyə bəyanatda bildirilir.
Sazişin ölkənin demokratikləşməsi ilə bağlı bir çox müddəaları Azərbaycanda inkişaf etmiş demokratik cəmiyyətin ən mühüm amillərinin - vətəndaş cəmiyyəti və KİV azadlığının təmin edilməməsi ilə əlaqədar həyata keçirilməyib.
“Bunu nəzərə alaraq, VCMK Aİ rəhbərliyini və Azərbaycan hökumətini demokratik islahatlar, qanunun aliliyi, vətəndaş cəmiyyətinin azadlığı və insan hüquqlarının müdafiəsini Strateji Tərəfdaşlıq Sazişinin yeni layihəsində əsas amillər kimi nəzərdə tutumağa çağırır”, deyə müraciətdə qeyd edilir. -0-
-
- İqtisadiyyat
- 8 Fevral 2017 17:43
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz