![Vəkil Hilal Məmmədovun narkotik maddə saxlamaqda ittiham olunmasını gülünc sayır](https://turan.az/resized/media/2012/main/062900004228-750-500-resize.webp)
Vəkil Hilal Məmmədovun narkotik maddə saxlamaqda ittiham olunmasını gülünc sayır
“Talışi sədo” qəzetinin redaktoru, Talış Mədəniyyət Mərkəzinin sədr müavini Hilal Məmmədovun hüquqlarını Müdafiə Komitəsi cümə günü Müsavat Partiyasının qərargahında ilk mətbuat konfransını keçirib.
Vəkil Ramiz Məmmədov öncə H.Məmmədovun həbs olunması şəraitinə toxunub. Onun sözlərinə görə, H.Məmmədov iyunun 21-də evinin yaxınlığında 7-8 nəfər mülki geyimli şəxsin hücumuna məruz qalıb, zorla maşına əyləşdirilərək aparılıb.
Vəkil H.Məmmədova qarşı irəli sürülən narkotik maddə saxlamaq ittihamının yalnız məsxərəyə qoyulmağa layiq olduğunu nəzərə çatdırıb. H.Məmmədov saxlanılarkən cibinə hansısa bükülü qoyulub. Narkotiklərə Qarşı Mübarizə İdarəsinin yanında maşından düşürülərkən H.Məmmədova “indi cibindən narkotika çıxandan sonra “davay do svidaniya” meyxanasını özün oxuyacaqsan” deyiblər, milli etnik kimliyi barədə həqarətə məruz qalıb. Bütün bunlar göstərir ki, narkotik maddə ittihamı sadə bir bəhanədir. Saxlanılan zaman H.Məmmədov mülki geyimlilər tərəfindən döyülüb və xəsarət alıb. Bununla bağlı materiallar araşdırılmaq üçün Nizami Rayon Prokurorluğuna göndərilib.
Vəkil istintaqın başdan-ayağa hüquqi pozuntularla aparıldığını, müttəhimin hüquqlarının kobud şəkildə pozulduğunu nəzərə çatdırıb. Vəkil istintaqın hər cür hüquqi müstəvidən uzaq olduğunu, buna görə də perspektivdə hansı nəticələrə gələcəyinin bəlli olmadığını söyləyib.
Komitənin həmsədri Rafiq Cəlilov H.Məmmədovun müdafiəsinə bir sıra aparıcı müxalifət partiyalarının və vətəndaş cəmiyyəti institutlarının verdiyi dəstəyi önəmli adlandırıb. Bununla da H.Məmmədovun “separatçı” obrazının yaradılmasının qarşısının alındığı vurğulanıb. R.Cəlilova görə, H.Məmmədovun həbsi “narkotik maddə” saxlamasında yox, ortaya fəal vətəndaşı mövqeyi qoymasındadır. Azərbaycanda isə milli mənsubiyyətindən asılı olmayaraq iqtidarın iradəsi əleyhinə fəal vətəndaşı mövqeyi tutan hər kəsi həbs gözləyir. Bu yaxınlarda azadlığa çıxan vicdan məhbuslarının taleyi buna nümunə göstərilib.
Komitə perspektiv iş kimi H.Məmmədovun müdafiəsinin gücləndirilməsini, vətəndaş cəmiyyəti institutlarının bu məsələni diqqətdə saxlamasını əsas istiqamət adlandırıb. Eyni zamanda komitə saxlanılan zaman H.Məmmədovun xəsarətlər alması ilə bağlı araşdırmaların hüquqi nəticələrinə tezliklə çatmaq istədiyini bəyan edib.
H.Məmmədov bu il iyunun 21-də saxlanılıb. İyunun 22-də Nizami Rayon Məhkəməsi onun barəsində 3 aylıq həbs qətimkan tədbiri seçib, 234-cü maddə ilə ittiham irəli sürülüb. Bu itthamla H.Məmmədovu 5 ildən 12 ilə kimi həbs cəzası gözləyir. -05C-
-
- Siyasət
- 29 İyun 2012 19:00
-
- Foto sessiyalar
- 29 İyun 2012 19:49
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz