![Vergilər Nazirliyinin Mehman Əliyevin işi üzrə bağlı məlumatı](https://turan.az/resized/media/2017/main/082500004205-750-500-resize.webp)
Vergilər Nazirliyinin Mehman Əliyevin işi üzrə bağlı məlumatı
Bakı/25.08.17/Turan: Vergilər Nazirliyi Turan agentliyinin direktoru Mehman Əliyevin həbsi ilə əlaqədar məlumat yayıb. Məlumatda deyilir ki, vergi yoxlamalarının nəticələrinə əsasən Turan agentliyinə qarşı CM-in 213.1-ci maddəsi (vergi ödəməkdən yayınma) ilə cinayət işi başlayıb. Bildirilir ki, guya M.Əliyev qulluq səlahiyyətlərindən sui-istifadə edərək müəssisənin maliyyə-təsərrüfat fəaliyyətinin uçotunun aparılması vəzifəsini öz üzərinə götürüb və sahibkarlıq fəaliyyəti üzrə nəzərdə tutulmuş funksiyaları özü yerinə yetirməklə "Qrant haqqında" qanunun tələblərini pozub.
Əsasən 2010-2014-cü illərdə qrant müqavilələri üzrə 148.310 manat məbləğində qanunsuz gəlir əldə edərək dövlətin mənafelərinə mühüm zərər vurub.
Bundan əlavə, 2010-2016-cı illərdə vergi orqanına təqdim etdiyi mənfəət vergisi bəyannamələrinə təhrif olunmuş məlumatlar daxil etməklə 60.080 manat məbləğində mənfəət vergisini dövlət büdcəsinə ödəməkdən yayınmasına əsaslı şübhələr olduğu müəyyən edilmişdir.
M.Əliyevə qarşı CM-in 192.2.2 (qanunsuz sahibkarlıq), 213.1 (vergi ödəməkdən yayınma) və 308.1-ci (vəzifə səlahiyyətlərindən sui-istifadə) maddələri ilə ittiham irəli sürülüb. Yasamal Rayon Məhkəməsinin qərarı ilə onun barəsində həbs qətimkan tədbiri seçilib.
Mehman Əliyev ittihamları qəti şəkildə rədd edərək onları siyasi motivli adlandırıb.-06D--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz