Vətəndaş cəmiyyəti hakimiyyəti beynəlxalq qurumları aldatmağa son qoymağa çağırıb
“Sivil toplum platforması” (STP) ictimai birliyi “Açıq Hökumətin Təşviqinə Dair Hökumət -Vətəndaş Cəmiyyəti Dialoqu” Platformasının formalaşdırılması prosesi ilə bağlı mövqe sənədi qəbul edib.
STP xatırladır ki, hələ 2016-cı il iyulun 12-də bu məsələ ilə bağlı hökumətlə ortaq plarforma yaradılması təşəbbüsü ilə çıxış edib.
Belə bir platformanın yaradılması beynəlxalq “Tərəfdaşlıq – Açıq hökumət” təşəbbüsünün rəhbər komitəsinin tələbidir.
Bu təşəbbüs hökumətdən vətəndaş cəmiyyətinin müstəqil fəaliyyətinə mane olmamağı, QHT-ləri beynəlxalq donorlar tərəfindən maliyyələşdirilməsinə mane olmamağı, tənqidi səsləri təqib etməməyi, informasiya əldə edilməsini təmin etməyi, ifadə, toplaşmaq və birləşmək azadlığını məhdudlaşdırmamağı tələb edir.
Məhz vətəndaş cəmiyyətinə yaradılan problemlərlə əlaqədar “Tərəfdaşlıq- Açıq Hökumət” təşəbbüsünün rəhbər komitəsi 2016-cı il mayın 4-də Azərbaycanı bu qurumda tamhüquqlu üzvlükdən məhrum edib.
Azərbaycanın statusunun bərpası üçün hökumət konsultativ mexanizmlər və müstəqil vətəndaş cəmiyyəi institutları ilə birgə platforma qurmalıdır. Avqustun 1-də 20-dən çox müstəqil vətəndaş cəmyyəti nümayəndəsi belə bir platforma yaratmağa çağırıb. Amma sentyabrın 9-da hökumət vətəndaş cəmiyyətinin təkliflərini nəzərə almadan belə bir struktur yaradıb. Belə ki, platformaya əsasən hakimiyyətyönlü QHT-lərin nümayəndələri daxil olub. Bu o deməkdir ki, bu, formal və hökumətyönlü, açıq hökumət prinsiplərinə məhəl qoymayan struktur olacaq.
Bu, həmçinin hakimiyyətin müstəqil vətəndaş cəmiyyəti ilə dialoq aparmaq istəmədiyini göstərir. -06D-
Siyasət
-
Abzas Media nəşrinin baş redaktoru Sevinc Vaqifqızı 1 saylı Bakı İstintaq Təcridxanasında ayrı-seçkiliyə məruz qalıb. Onun anası ilə görüşü qadağan edilib. Bu, onun növbədənkənar parlament seçkilərində İstintaq Təcridxanasında əcnəbilərin səs verməsi faktlarını ictimailəşdirməsindən sonra baş verib. Bu barədə jurnalistin anası Ofeliya Məhərrəmova bildirib.
-
Bu günlərdə Varşavada ATƏT-in müstəqil məhkəmə sistemi, demokratik qanunvericilik və ədalətli mühakimə hüququ mövzusunda konfransı keçirilir. ABŞ-ın ATƏT-dəki səfiri Maykl Kozak keçmiş SSRİ respublikalarında və Şərqi Avropa ölkələrində qanunun aliliyinə dair vəziyyətlə bağlı geniş məruzə ilə çıxış edib.
-
Oktyabrın 9-da Varşavada Azərbaycanda həbs edilmiş talış tədqiqatçı İqbal Əbilova dəstək aksiyası keçirilib. Aksiya 1-10 oktyabr 2024-cü il tarixlərində ATƏT-in "2024 Warsaw Human Dimension" konfransının keçirildiyi Sofitel Victoria otelinin qarşısında keçirilib.
-
Azərbaycanlı jurnalist Əfqan Sadıqovun səhhəti narahatlıq doğurur. O, azadlığa buraxılmalıdır. Bu barədə AŞPA üzvü, almaniyalı deputat Frank Şvabe X platformasında yazıb.
Rəy yaz