![Vətəndaş cəmiyyəti konfransı ATƏT-i insan hüquqları problemlərinə diqqəti artırmağa çağırıb](https://turan.az/resized/media/2012/main/120700020614-750-500-resize.webp)
Vətəndaş cəmiyyəti konfransı ATƏT-i insan hüquqları problemlərinə diqqəti artırmağa çağırıb
Ötən gün axşam beynəlxalq “Vətəndaş həmrəyliyi” təşkilatının nümayəndələri ATƏT ölkələri XİN rəhbərlərinin sammitində iştirakları və paralel olaraq vətəndaş cəmiyyəti konfransının təşkili ilə əlaqədar mətbuat konfransı keçiriblər. Bu təşkilat artıq üçüncü ildir ki, ATƏT sammitləri çərçivəsində bu cür tədbirlər keçirir.
Vətəndaş cəmiyyəti nümayəndələrinin konfransında ATƏT məkanında insan hüquqları məsələsi müzakirə olunub və tövsiyələr irəli sürülüb. Bu barədə “Vətəndaş həmrəyliyi” təşkilatının prezidenti Harri Hummel bildirib.
Təşkilatın üzvü Yuri Dzibladze qeyd edib ki, tövsiyələr İrlandiya XİN-ə və ATƏT-in hazırkı sədrinə təqdim olunacaq.
Bundan əlavə, “Vətəndaş həmrəyliyi” özünün Dublin bəyannaməsini hazırlayıb və ATƏT-i həbsdə olan hüquq müdafiəçilərinin və jurnalistlərin problemlərinə, ifadə, toplaşma azadlığının məhdudlaşdırılmasına, bəzi ölkələrdə işgəncə praktikasının saxlanmasına xüsusi diqqət yetirməyə çağırıb.
“Biz Ukraynaya xüsusi diqqət yetirdik, çünki gələn il ATƏT-ə sədrlik bu ölkəyə keçəcək. Hesab edirik ki, bununla əlaqədar Ukrayna həmin problemlərə ciddi yanaşacaq”, - Dzibladze vurğulayıb. Onun sözlərinə görə, “Vətəndaş həmrəyliyi” ATƏT-i təşkilata üzv ölkələrin üzərinə götürdükləri öhdəlikləri yerinə yetirməməsinə diqqət verməyə, ATƏT məkanında vətəndaş cəmiyyətinin rolunun artırılmasına çağırıb.
Təşkilatın digər nümayəndəsi Natali Losekut ifadə azadlığı haqda danışıb və qeyd edib ki, çox zaman jurnalistlərə qarşı məhkəmə çəkişmələri siyasi motivli olur. O, ATƏT məkanında bəzi ölkələrdə baş verən cəzasızlığın aradan qaldırılmasının vacibliyini bildirib. Türkiyə, Qazaxıstan, Macarıstanda jurnalistlərə təzyiqlərə xüsusi diqqət yetirilib. “Bizim tövsiyələr
ATƏT ölkələrinin götürdükləri öhdəliklərin yerinə
yetirilməsinə aiddir”, - Losekut qeyd edib. -04S-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz