![Vətəndaşlar fərdi avtomobillərində Laçın şəhərinə səfər edə biləcəklər](https://turan.az/resized/news/2024/7kHgjYtkOkt4ZGglXXa51m8I7MzyD3wxzSM7YzfU-750-500-resize.webp)
Vətəndaşlar fərdi avtomobillərində Laçın şəhərinə səfər edə biləcəklər
Vətəndaşlar fərdi avtomobillərində Laçın şəhərinə səfər edə biləcəklər
Aprelin 27-dən vətəndaşlar öz şəxsi avyomobillərilə Laçın şəhərinə gedə biləcəklər. Bu barədə aprelin 25-də Rəqəmsal İnkişaf və Nəqliyyat Nazirliyi məlumat yayıb.
Məlumatda deyilir ki, "Böyük Qayıdış" proqramının tərkib hissəsi olaraq Azərbaycan vətəndaşlarının işğaldan azad edilmiş ərazilərə səfərlərinin istiqamətləri genişləndirilir: "27 aprel 2024-cü il tarixindən vətəndaşlar fərdi minik avtomobillərilə Şuşa şəhəri və Suqovuşan qəsəbəsilə yanaşı, artıq Laçın şəhərinə də səfər edə biləcəklər. Vətəndaşlar səfər üçün icazəni 26 aprel tarixindən başlayaraq "Yolumuz Qarabağa" portalı üzərindən əldə edə bilərlər".
Nazirlik bildirir ki, rəsmiləşdirilən icazələrin etibarlılıq müddəti 2 gün nəzərdə tutulub.
“Laçın şəhərinə səfər Füzuli rayonunun Alxanlı keçid məntəqəsindən daxil olmaqla “Zəfər Yolu” və Horadiz qəsəbəsindən keçməklə Cəbrayıl – Zəngilan – Qubadlı – Laçın marşrutu ilə mümkün olacaq. Fərdi minik avtomobillərində səfər üçün 1 sürücü olmaqla maksimum 9 nəfərə icazə alına bilər”, - məlumatda qeyd edilir.
Xatırladaq ki, 27 dekabr 2023-cü ildən Şuşa şəhərinə və Suqovuşan qəsəbəsinə fərdi minik avtomobillərilə səfərlərə icazə verilib.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz