Aprelin 30-da İranda həbs edilmiş Elmlər Akademiyasının Ədəbiyyat İnstitutunun əməkdaşı Xalidə İsmayılova (Xalid) və sürücüsü Şamxal Hüseynov bu gün Bakıya qayıdıblar. Bu barədə Azərbaycan XİN-in mətbuat xidmətinin rəhpəri Elman Abdullayev bildirib. O, İranda Xalidə Xalidə qarşı məhkəmə prosesi olub-olmadığı haqqında suala cavab verməyib.
“Bu, İran tərəfin qərarı idi, onlar sadəcə olaraq vətəndaşlarımızı Azərbaycan səfirliyinə təhvil veriblər”, deyə Elman Abdullayev bildirib.
Xalid və Hüseynov Bakı aeroportunda mətbuat üçün heç bir açıqlama verməyiblər.
Xatırladaq ki, onlar aprelin 30-da Azərbaycanlıların hüquqları uğrunda hərəkatın fəalı Məhəmməd Oqtayın evində saxlanılıblar.
Azərbaycan vətəndaşlarına qarşı konkret ittihamlar irəli sürülməyib. -16D04-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz