Xədicə İsmayılova prokurorluqda 2,5 saat dindirilib

Aprelin 18-də araşdırmaçı jurnalist Xədicə İsmayılova Baş Prokurorluğun Ağır Cinayətlərə dair İşlər üzrə İstintaq İdarəsində şahid kimi 2,5 saat dindirilib. 

Belə ki, X.İsmayılovanın fevralın 17-də Facebook-da yaydığı materialla əlaqədar CM-in 284.2 maddəsi (dövlət sirrinin yayılması) üzrə cinayət işi qaldıırlıb. 

Qeyd edək ki, X.İsmayılova 2011-ci ildə MTN əməkdaşının qurum rəhbərliyinə yazdığı xidməti məktubu dərc edib. Məktubda müxalifət fəalının ələ alındığı bildirilib. Belə ki, o 600 manatın müqabilində xüsusi xidmət orqanlarına müxalifətin fəaliyyəti haqda məlumat verməyə və onun sıralarına nifaq salmağa hazır olduğunu bildirib.

X.İsmayılova deyib ki, prokurorluqda materialın onun əlinə necə düşməsi ilə maraqlanıblar. 

O da bildirib ki, sənəd hələ 2011-ci ildəFacebook-da yayılıb.

X.İsmayılovanı vəkil Rəşid Hacılı müşayiət edib. Onun sözlərinə görə, jurnalist dindirilmədən oncə istintaq həmin materialın həqiqi sənəd olub-olmadığını müəyyən etməlidir, əgər bunun saxta olmadığı məlum olarsa o zaman MTN-dən kənara necə çıxması araşdırılmalıdır.

R.Hacılı jurnalistin öz mənbələrini açıqlamamaq və müdafiə etmək hüququnun olduğunu da qeyd edib.

Çərşənbə günü saat 11:00-da X.İsmayılova yenidən prokurorluğa çağırılıb.16/ 06D-