Şəhidlər Xiyabanında təmir -abadlıq işləri başlanıb

Şamaxı Şəhidlər Xiyabanında təmir işləri  başlanıb. Bu xəbəri Turan-a müstəqil jurnalist Laçın Məmişov verib.

O qeyd edib ki, hazırda Xiyaban ətrafında torpaq-bərkitmə işləri gedir. Rayon İcra Hakimiyyəti başçısının müavinləri demək olar ki, hər gün işlərin yerinə yetirilməsi ilə maraqlanırlar. 

Onun sözlərinə görə, görə görülən işlərin həcminə Xiyabanın abadlaşdırılması, yerə döşənəcək plitələtin, şəhidlərin qəbilərinin mərmər üzlüklərinin yenilənməsi, əhalinin ziyarətə rahat gələ bilməsi üçün Xiyabana gələn yolun asfaltlanması və başka işlər daxildir. 

L.Məmişov onu da bildirib ki, müəyyən bir mərhələdə Xiyabanda görülən işlərin keyfiyyətilə maraqlanmaq üçün jurnalistlərdən və yerli ictimaiyyət nümayəndələrindən ibarət bir qrupun Xiyabana baxış keçirməsi də nəzərdə tutulur.

Xatırladaq ki, fevralın 7-də mətbuat konfransı keçirən L.Məmişov Şəhidlər Xiyabanının köçürülmə təhlükəsi önündə olduğunu bildirib. Bu fikrinə əsas olaraq Xiyabanın 3 ildən yuxarı bağlı olduğunu, hətta şəhid ailələrinin belə ziyarət üçün əziyyət çəkdiklərini söyləyib. O, Xiyabanının ərazisinin “Gilanholdinq”ə satıldığını vurğulayıb.-05B-