Xədicə İsmayılovanın həbs təhlükəsi qalmaqdadır

Sentyabrın 24-də Binəqədi rayon məhkəməsində Elnur Rəhimovun sədrliyi ilə jurnalist Xədicə İsmayılovanın inzibati cəzasını icrasının dayandırılması haqqında təqdimatına baxılıb.

Təqdimat onun işini aparan məhkəmə icraçısı tərəfindən irəli sürülüb. Lakin hakim təqdimatı təmin etməyib, bu barədə Turan-a vəkil Anar Qasımlı bildirib.

Onun sözlərinə görə, hakim öz qərarını heç cür izah etməyib və əsaslandırma sənəd mətninin vəkilə verilməsindən sonra məlum olacaq. Buna görə vəkil hesab edir ki, İsmayılovanın həbs təhlükəsi qalmaqdadır.

Məhkəmə İsmayılovanın 220 saat ictimai işdən ibarət inzibati cəzasını icra etməməsi ilə bağlıdır. O, bu cəzanı yanvarın 26-da Bakıda etiraz aksiyasında iştiraka görə 400 manatlıq cəriməni ödəməkdən imtina etdiyi üçün alıb.

Jurnalist hesab edir ki, cərimə qanunsuz təyin edilib, belə ki, o, Konstitusiyada zəmanət verilmiş sərbəst toplaşmaq azadlığını həyata keçirib.

İyunun 10-da cərimə küçələrin süpürülməsi kimi ictimai işlə əvəz edilib. İsmayılova bununla razılaşaraq, cəzanı “Ölkəni pisliklərdən təmizləyək!” şüarı altında aksiyaya çevirəcəyini bəyan edib. Bundan sonra cəza əlillərin reabiliyasiyası mərkəzində işlərlə əvəz edilib.

Lakin təxribatlardan uzaq olmaq üçün İsmayılova bundan imtina edib. Ötən həftə məhkəmə icraçısı İsmayılova barəsində inzibati icraatın dayandırılması haqqında qərar təqdimat verib. İndi inzibati cəzanın icra edilməməsinə görə o, 3 aya qədər azadlıqdan məhrum edilə bilər. -16D06-