Xəzər ölkələrinin xarici işlər nazirlərinin iclasında
Bakı/05.12.23/Turan: Xəzər ölkələri Xarici İşlər nazirlikləri rəhbərlərinin dialoqu müntəzəm olacaq. Bu, beştərəfli əməkdaşlığın inkişafını və razılaşdırılmış tədbirlərin hazırlanmasını əhatə edir. Bu barədə dekabrın 5-də Moskvada Rusiyanın xarici işlər naziri Sergey Lavrov sahilyanı ölkələrin xarici işlər nazirlərinin iclasını açarkən bildirib.
Xəzəryanı dövlətlərin əməkdaşlığının dərinləşdirilməsi çoxqütblü dünya düzəninin formalaşması, yeni dünya inkişaf mərkəzlərinin mövqelərinin möhkəmləndirilməsi kontekstində aktualdır. Xəzər ölkələrinin birgə işi Avrasiya qitəsi məkanında təhlükəsizliyin, sabitliyin və davamlı inkişafın təmin olunmasına mühüm töhfə verir, Lavrov deyib.
Ekoloji təhlükəsizlik problemləri, Xəzərin dayazlaşması, onun bioresurslarının qorunması ümumi çağırışlar olaraq qalır.
"Xəzər dənizinin hüquqi statusu haqqında 2018-ci il Konvensiyasına əsasən, Xəzərlə bağlı problemlərin həllində yalnız bizim “beşlik” müstəsna səlahiyyətə malikdir. Biz bunu Xəzər birliyinin təməl daşı, regionun inkişafında iştiraka və orada baş verən proseslərə görə məsuliyyətə zəmanət hesab edirik", - Lavrov vurğulayıb. -0-
Siyasət
-
Azərbaycan Prezidenti İlham Əliyev cümə axşamı 2005-ci ildə təsdiq edilmiş məxfi məlumatların siyahısına dəyişiklik edilməsi ilə bağlı fərman imzalayıb. Dəyişikliklər, Azərbaycan Respublikasının Milli Məclisi tərəfindən 22 dekabr 2023-cü ildə qəbul edilmiş “Mühasibat uçotu haqqında” və “Dövlət sirri haqqında” qanunlara edilən düzəlişlərə uyğundur.
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
Rəy yaz