![Xələf Xələfov](https://turan.az/resized/750/500/resize/media/2018/main/081600012513.jpg)
Xələf Xələfov
Xəzər üzrə İşçi Qrupunun ilk iclası noyabrda olacaq
Bakı/16.089.18/Turan: Xəzər dənizinin hüquqi statusu haqqında Konvensiya ilə bağlı məsələlərin həlli və ondan irəli gələn öhdəliklərin icrasını həyata keçirəcək İşçi Qrupunun ilk iclası bu ilin noyabrında Bakıda keçiriləcək. Bu barədə Turan-a Azərbaycan xarici işlər nazirinin müavini Xələf Xələfov bildirib.
İşçi Qrupu Xəzərdə çıxış xətlərinin metodikasını müəyyən edən saziş üzərində işləyəcək.
"Saziş Konvensiyadakı anlayışlar və beynəlxalq hüquqdan irəli gələn normalar əsasında hazırlanacaq", - o qeyd edib.
Bu il avqustun 12-də Aktau şəhərində Rusiya, Azərbaycan, İran, Türkmənistan və Qazaxıstan dövlət başçıları Xəzər dənizinin hüquqi statusu haqqında Konvensiyanı imzalayıblar.
Konvensiya Xəzər dənizinin hüquqi statusunu müəyyən edərək, sahilyanı dövlətlərin dənizə münasibətdə hüquq və öhdəliklərini təsbit edir.
Sənəddə Xəzər dənizinin dibinin beynəlxalq hüququn norma və prinsipləri nəzərə alınmaqla sektorlara bölünməsi qaydası təsdiq olunur, sektorlarda aparılan təsərrüfat-iqtisadi fəaliyyətin təhlükəsizliyinin təmin edilməsi məqsədilə orada yerləşən təsərrüfat obyektlərinin müvafiq təhlükəsizlik zonalarına malik olduğunu göstərir. Bundan başqa Konvensiya hər bir dövlət üçün onların suveren və müstəsna hüquqlara malik olduğu 15 millik ərazi suları və 10 millik balıqçılıq zonalarını müəyyənləşdirir. Həmçinin Konvensiya Xəzər dənizində gəmiçilik və ticarətin inkişafı baxımından mühüm əhəmiyyət kəsb edən dəniz üzgüçülüyünün azadlığı və təhlükəsizliyinin təmin olunması prinsiplərini təsbit edir.
Konvensiyanın effektiv yerinə yetirilməsi və Xəzər dənizində əməkdaşlığın müxtəlif aspektlərinin nəzərdən keçirilməsi məqsədilə dövlət başçıları tərəfindən Xarici İşlər nazirliklərinin himayəsi altında xarici işlər nazirlərinin müavinləri/Xəzəryanı dövlətlərin səlahiyyətli nümayəndələri səviyyəsində beştərəfli müntəzəm məsləhətləşmələr mexanizmi yaradılıb.
Bu mexanizm Konvensiya ilə bağlı məsələlərin həlli və ondan irəli gələn öhdəliklərin icrasına nəzarəti həyata keçirəcək.-03B-
-
- İqtisadiyyat
- 16 Avqust 2018 13:58
-
- İqtisadiyyat
- 16 Avqust 2018 16:26
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz