Xəzərdən qaz nəqlində imkanlar və maneələr mövzusunda dəyirmi masa keçirilib
Xəzər dənizinin neft və qaz ehtiyatları, enerji mənbələri və onun daşındığı ərazilərdə geosiyasi maraqlar, münaqişələr və onlara fərqli baxışlar, enerji gəlirləri və regionun iqtisadi inkişafı.
Bu mövzular aprelin 8-də Azərbaycan Prezidenti yanında Strateji Araşdırmalar Mərkəzinin və İtaliyanın Beynəlxalq Əlaqələr İnstitutunun birgə təşkilatçılığı ilə “Avropada Enerji Təhlükəsizliyinin Təminatı: Xəzərdən qaz nəqlində imkanlar və maneələr” mövzusunda keçirilən dəyirmi masanın əsas mövzuları olub.
Tədbirdə beynəlxalq və yerli ekspertlər, diplomatik missiyaların təmsilçiləri, Milli Məclisin deputatı iştirak edib.
“Əfsuslar ki, neft və onun daşınması geosiyasi xarakter alıb, regionda münaqişələrə gətitib çıxarıb, bəzi dövlətlər üçün siyasi üstünlüyü ələ almaq alətinə çevrilib”, deyə Strateji Araşdırmalar Mərkəzinin direktoru Fərhad Məmmədov bildirib. Onun fikrincə, Azərbaycan neft amilindən siyasi məqsədlərlə istifadə etmir.
“Azərbaycanın enerji sahəsində planlaşdırılmış strategiyası var. Neft gəlirləri iqtisadiyyatın diversifikasiyasına və regionun inkişafı ilə bağlı layihələrə yönəldilib. Azərbaycan Dövlət Neft Şirkəti Gürcüstanda ən böyük vergi ödəyicisidir. Azərbaycan Türkiyədə ən böyük investorlardandır, Yunanıstanda, Albaniyada, Serbiyada, Monteneqroda və başqa ölkələrdə layihələr həyata keçirir. Bakı-Tbilisi Qars dəmir yolu, TANAP və TAP kimi layihələri reallaşdırır, yeni dəniz limanı tikib”, deyə o qeyd edib.
Məmmədov regional layihələrə təhdidlərdən də danışıb.
“Regional layihələrə ən böyük təhdid Cənubi Qafqazın ən böyük münaqişəsi olan Dağlıq Qarabağ münaqişəsidir. Avropa İttifaqının vahid enerji siyasəti olduğu kimi, ərazi bütövlüyü ilə bağlı da vahid mövqeyi formalaşmalıdır. Necə olur ki, regionda bir separatçı rejim və onu dəstəkləyənlərlə əlaqələr kəsilir, sanksiyalar tətbiq edilir, digər separatçı rejimə fərqli münasibət yürüdülür. Dağlıq Qarabağdakı separatçı rejimlə də əlaqələr kəsilməli, sanksiyalar tətbiq edilməlidir”, deyə o qeyd edib.
İtaliya Beynəlxalq Əlaqələr İnstitutunun (İnstituto Affari Internazionali) direktoru Ettore Qreko da Məmmədovun fikirlərini dəstəkləyib.
“Münaqişələrə vahid mövqeyin formalaşması regionun və Avropanın təhlükəsizliyi üçün vacibdir. Avropa İttifaqı daha uyğun enerji təhlıükəsizliyi siyasəti seçməlidir. Bu siyasətdə milli maraqlar da nəzrə alınmalıdır”, deyə o qeyd edib. -03B-
-
- Siyasət
- 8 Aprel 2015 13:23
-
- İqtisadiyyat
- 8 Aprel 2015 14:13
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz