Xocavənd rayonunun hərbi komissarı həbs edilib
Azərbaycan Səfərbərlik və Hərbi Xidmətə Çağırış üzrə Dövlət Xidmətinin strukturlarında qanunun pozulması faktları üzrə cinayət işi çərçivəsində qurumun Xocavənd rayon şöbəsinin rəhbəri mayor Sadiq Əliyev saxlanılıb.
Azərbaycan Hərbi Prokurorluğunun mətbuat xidmətindən bildiriblər ki, istintaqda Əliyevin Azərbaycan Cinayət Məcəlləsinin 311.3.2-ci (dəfələrlə rüşvət almaq) və 311.3.3-cü (külli miqdarda rüşvət almaq) maddələrində nəzərdə tutulmuş əməlləri törətməsinə əsaslı şübhə yaranıb.
Məhkəmənin qərarı ilə onun barəsində 4 ay müddətinə həbs qətimkan tədbiri seçilib.
Son aylarda Səfərbərlik və Hərbi Xidmətə Çağırış üzrə Dövlət Xidmətinin bəzi fəaliyyətdə olan və keçmiş "hərbi komissarları", eləcə də digər vəzifəli şəxsləri həbs edilib.
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz