Bakı/06.09.18/Turan: Xorvatiya Azərbaycanla iqtisadi əməkdaşlığı möhkəmləndirmək niyyətindədir. Bu işdə ikitərəfli hökumətlərarası komissiya böyük rol oynayır. Əczaçılıq və energetika sahəsinə xüsusi önəm verilir. Bu barədə bu gün Zaqrebdə ikitərəfli sənədlər imzalandıqdan sonra Xorvatiya prezidenti Kolinda Qrabar Kitaroviç Azərbaycan prezidenti İlham Əliyevlə keçirdiyi birgə brifinqdə bildirib.
K.Kitaroviçin sözlərinə görə, Bakı əczaçılıq sahəsində birgə müəssisənin yaradılmasına razılıq verib.
Digər bir sahə gəmidüzəltmədir. Altı gəminin inşası, həmçinin kənd təsərrüfatında əməkdaşlığın genişləndirilməsi müzakirə olunub.
Xorvatiya Azərbaycan qazının Avropaya nəqlinin iştirakçısı olmaq və Adriatik dənizi sahilində maye qaz üçün terminal inşa etmək istəyir.
İ.Əliyev cavab sözündə deyib ki, Azərbaycan Xorvatiya ilə ticarət əlaqələrini genişləndirməyə və müxtəlif sahələrdə birgə layihələri həyata keçirməyə hazırdır.
İ.Əliyev Zaqrebin "Cənub" qaz dəhlizi layihəsində iştirak etmək istəyini alqışlayıb. Avropanın enerji təhlükəsizliyini təmin edəcək bu layihəyə artıq 7 ölkə qoşulub.-02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz