Vedant Patel
Yaxın Şərqdəki vəziyyətə baxmayaraq, ABŞ Ukraynaya yardımı davam etdirəcək
Vaşinqton/10.11.23/Turan: Cümə axşamı Birləşmiş Ştatlar İsrail və HƏMAS müharibəsinin Ukraynadan diqqəti yayındırması haqqında fikri təkzib edib. "Qətiyyən yox! Biz əvvəllki kimi bütün planetdə müxtəlif böhranlara diqqət yetirə bilirik", deyə Dövlət Departamentinin mətbuat katibinin müavini Vedant Patel brifinqdə Turan-ın suallarına cavabda bildirib.
"Bu, əlbəttə ki, Rusiyanın Ukraynaya qarşı davam edən təcavüzünü də ehtiva edir", deyə o, əlavə edib.
Patelin şərhləri Ukrayna prezidenti Vladimir Zelenskinin bu həftənin əvəllərində İsraili və Qəzzə bölgəsini əhatə edən zorakılığın beynəlxalq ictimaiyyətin diqqətinin onun ölkəsində gedən müharibədən yayınması riski yaratdığını bildirməsindən sonra səslənib. "Beynəlxalq diqqətin Ukraynadan yayınması riski var və bunun nəticələri olacaq", deyə Zelenski Fransa telekanalına müsahibəsində bildirib.
Patel xatırladıb ki, prezident Bayden bu yaxınlarda öz müraciətində "İsrailin öz təhlükəsizliyini qorumaq üçün zəruri olan hər şeyə malik olmasının, habelə ukraynalı tərəfdaşlarımızın öz təhlükəsizliklərini təmin etmək üçün əldə etdiyi dəstəyi əldə etməyə davam etməsinin" vacib olduğunu bildirib. --0--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz