Баку/17.01.20/Turan: Hakim Yeni Azərbaycan Partiyası 9 fevral parlament seçkilərində seçkiqabağı təşviqat çərçivəsində İctimai Televiziya və Radioda pulsuz efir vaxtından imtina edib. Partiyada bu addımı “bütün namizədlərə bərabər şəraitin” yaradılması istəyi ilə izah ediblər.
Seçki Məcəlləsinə uyğun olaraq 60-dan çox seçki dairəsində namizədləri qeydiyyata alınmış partiyalar və seçki blokları efirdə pulsuz təbliğat aparmaq hüququna malikdir. Hazırda yalnız YAP belə bir hüquqa malik olub.
Müşahidəçilərin fikrincə, hakimiyyət TV-də real debatlarda və seçicilərin siyasi fəallığında maraqlı deyil.
YAP ilk dəfə deyil ki, TV-də təkbaşına təşviqat aparmaq imkanı qazandıqdan sonra efirdən imtina edir.
Qeyd edək ki, bütün milli və regional televiziyalar pullu əsaslarla seçkiqabağı təşviqatın aparılmasından imtina ediblər.
Yalnız İTV pullu əsaslarla efir vaxtı ayırmağa hazır olduğunu bildirib və çox yüksək tarif təyin edib: 1 saniyəyə görə 22 manatdan 65 manata qədər.–06В-
Siyasət
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
-
Həbsdə olan bloger Rəşad Ramazanov 15 saylı cəzaçəkmə müəssisəsində saxlanma şəraitinin ağır olmasından danışıb. Bu barədə Turan agentliyinə koloniyadan zəng edərək özü məlumat verib.
-
ABŞ Helsinki Komissiyasının həmsədri, konqresmen Co Uilson Tehran rejiminin nümayəndələrinin Azərbaycan və Türkiyəyə qarşı təhdidlərini pisləyib.
-
Beynəlxalq Avtomobil Federasiyasının (FIA) Formula 1 üzrə Azərbaycan Qran-prisi sentyabrın 19-21-də reallaşacaq. Bu, mövsümün 17-ci Qran-prisi olacaq.
Rəy yaz