Açiq mənbələrdən foto.
Yerevan Zəngəzur dəhlizinin açılmasını gözləmədən, Naxçıvandan İrana gedən yolun açılmasını istəyir
Bakı/22.12.21/Turan: Regional kommunikasiyaların açılması üzrə işçi qrup Yerasx-Horadiz dəmir yolunun mərhələli açılışı variantını müzakirə edir. Bu barədə çərşənbə günü Ermənistan baş nazirinin müavini Mqer Qriqoryan Ermənistan, Rusiya və Azərbaycanın üçtərəfli İşçi Qrupunun müzakirələrinin yekunlarını şərh edərkən bildirib.
Müzakirə olunan variantlardan biri Mehri-Mincivan-Horadiz hissəsinin tikilməsini gözləmədən, Ermənistan üçün Naxçıvandan İrana gedən yolun açılmasını nəzərdə tutur.
"Bu, bizim üçün arzuolunandır, belə ki, tikinti tələb etmir və mövcud infrastrukturla həyata keçirilə bilər", deyə Qriqoryan bildirib.
İcevan-Qazax dəmir yolunun açılması məsələsi də müzakirə olunub, amma hazırki mərhələdə "real layihələrə" baxılır, deyə Qriqoryan əlavə edib.
Türkiyə ilə dəmir yolu əlaqəsinin bərpasına gəlincə, hələlik buna konseptual səviyyədə baxılır, deyə o qeyd edib. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz