Bakı/25.02.20/Turan: Çərşənbə axşamı Yerevanda Ermənistanın üçüncü prezidenti Serj Sarkisyan, “Flash” şirkətinin sahibi Barseq Beqlaryan, keçmiş kənd təsərrüfatı naziri Serqo Karapetyan və digər iki keçmiş dövlət məmurunun işi üzrə məhkəmə başlayıb.
İclasın başlamadan iki saat əvvəl Sarkisyanın tərəfdarları və Respublikaçılar Partiyasının üzvləri məhkəmənin həyətinə toplaşaraq irəli sürülmüş iddialara etiraz olaraq aksiyaya başlayıblar. İstintaq müttəhimlərə qarşı xüsusilə külli miqdarda mənimsəmə və israf ittihamını irəli sürüb.
Ermənistanın eks- prezidenti və digər şəxslər 2013-cü ildə dizel yanacağının alınması üçün təxminən 1 mln. dollara yaxın vəsaiti oğurlamaqda ittiham olunurlar.
Serj Sarkisyan ona qarşı irəli sürülən ittihamı rədd edib. Respublikaçılar Partiyası öz bəyanatında işin siyasi motivli olduğunu və sifariş xarakteri daşıdığını qeyd edib.
Xatırladaq ki, eyni vaxtda Yerevanda Ermənistanın ikinci prezidenti Robert Köçəryanın da məhkəməsi gedir. O, konstitusiya quruluşunu devirməkdə ittiham olunur. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz