![Məhkəmə jurnalistin şərti cəzasını üç ay azaldıb](https://turan.az/resized/750/500/resize/media/2020/main/022500024979.jpg)
Məhkəmə jurnalistin şərti cəzasını üç ay azaldıb
Bakı/25.02.20/Turan: Bu gün Azərbaycan Ali Məhkəməsində Criminal.az saytının redaktoru Anar Məmmədovun kassasiya şikayətinə baxılıb.
Jurnalist 2019-cu ilin martında dövlət əleyhinə çağırışlar, vəzifə səlahiyyətini aşma və vəzifə saxtakarlığı ittihamları ilə 2 il sınaq müddəti olmaqla 5,5 il müddətinə həbs edilmişdi. Buna 2018-ci ilin iyulunda Gəncənin keçmiş meri Elmar Vəliyevə qarşı sui-qəsdlə bağlı materialların yayılması səbəb olub.
Bir sıra beynəlxalq jurnalist təşkilatları, həmçinin ATƏT-in media azadlığı üzrə nümayəndəsi Arlem Dezir Məmmədovla bağlı hökmü pisləyib.
Apellyasiya Məhkəməsi hökmü qüvvədə saxlayıb.
Ali Məhkəmədə məhkəmə iclası zamanı jurnalist guya məqaləni oxuyub şoka düşən üç qadının ifadəsi əsasında saxta ittihamlarla mühakimə olunduğunu bildirərək bəraət verilməsini istəyib. A.Məmmədov qeyd edib ki, birinci instansiya məhkəməsində şikayətçilər onları “şoka salan” yazıların məzmunu barədə suala cavab verə bilməyiblər.
Lakin Ali Məhkəmə ittihamlardan birini - vəzifə səlahiyyətlərini aşma, ağır nəticələrə səbəb olduqda (maddə 309.2)- 309.1-ci maddəyə (vəzifə səlahiyyətini aşma) tövsif etməklə kifayətlənib və sınaq müddətini cəmi üç ay endirib.
A.Məmmədov Ali Məhkəmənin qərarı ilə razılaşmayıb və Avropa İnsan Hüquqları Məhkəməsinə müraciət etmək niyyətindədir.-06D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz