Yunanıstan XİN rəhbəri Bakıya gəlib (yenilənib)

Fevralın 2-də Yunanıstan XİN rəhbəri Nikos Kotziasın Bakıya ikigünlük rəsmi səfəri başlayıb. Məlumatı Azərbaycan XİN mətbuat xidməti yayıb.

Fevralın 2-də N.Kotzias Azərbaycan xarici işlər naziri Elmar Məmmədyarovla görüşəcək. Görüşün yekunları ilə bağlı mətbuat konfransı olacaq.

Səfərin sonrakı proqramı, eləcə də danışıqların gündəliyi açıqlanmır.

Öz növbəsində Yunanıstan XİN bildirib ki, fevralın 3-də N.Kotzias parlamentin spikeri Oqtay Əsədov və prezident İlham Əliyevlə görüşəcək.

Sonra qonaq energetika naziri və Azərbaycan-Yunanıstan hökumətlərarası komissiyanın sədri Natiq Əliyevlə görüşəcək.

Fevralın 7-də yunanıstanlı nazir İrana gedəcək, həmin mənbə bildirib.

Yuxarıda deyilənlərdən belə nəticəyə gəlmək olar ki, Bakıda danışıqların əsas mövzusu energetika, məhz qaz məsələləri, TAP qaz kəmərinin inşası, həmçinin Yunanıstanın enerji infrastrukturunun özəlləşdirilməsində Azərbaycanın iştirakı olacaq.02D-