Zakir Həsənov: Qəbələ RLS-in Azərbaycana təhvil verilməsi ilə bağlı problem yoxdur

Rusiyanın Qəbələ Radiolikasiya Stansiyasını Azərbaycana təhvil verməsi ilə bağlı bütün cari məsələlər, demək olar ki, həll edilib. Bu barədə Azərbaycan müdafiə naziri Zakir Həsənov Moskvada MDB iştirakçısı olan dövlətlərin Müdafiə Nazirləri Şurasının 65-ci iclası çərçivəsində rusiyalı həmkarı Sergey Şoyqu ilə keçirdiyi görüşdə bildirib.

“Qəbələ RLS-in, demək olar ki, təhvil verildiyini bilirəm, məndə olan məlumata görə, orada problem yoxdur. Bütün cari məsələlər həll edilir və ya demək olar ki, həll edilib”, deyə Həsənov bildirib.

O, Azərbaycan və Rusiya hərbi idarələri arasında digər ikitərəfli əməkdaşlıq  məsələlərinin də bu gün həll ediləcəyindən əmin olduğunu bildirib. Bu zaman Azərbaycan naziri qeyd edib ki, iki ölkə arasında tarixən formalaşmış münasibətlər davam və inkişaf etdirilir.

Öz növbəsində, Sergey Şoyqu Azərbaycan müdafiə nazirini bu vəzifəyə təyin edilməsi məqsədilə təbrik edib. “Bu, istənilən dövlətdə məsul vəzifədir, xüsusən, Azərbaycan kimi ölkədə”, deyən Rusiyanın müdafiə naziri həmkarına uğurlar və milli silahlı qüvvələrin möhkəmləndirilməsində və iki dövlət arasında hərbi əməkdaşlığın inkişafında müvəffəqiyyətlər arzu edib.

Rusiya müdafiə naziri həmçinin erməni həmkarı Seyran Ohanyanla ikitərəfli görüş keçirib. “Biz bu il ilk dəfə deyil ki, görüşürük və mən Sizinlə hərbi və hərbi-texniki əməkdaşlıq məsələlərini müzakirə etməyə hazıram”, Şoyqu erməni həmkarına müraciətdə belə deyib. Seyran Ohanyan öz növbəsində rusiyalı nazirə “hərbi-texniki əməkdaşlığın möhkəmləndirilməsi üzrə işləmək imkanına görə” minnətdarlığını bildirib.

Bundan başqa, RF və Qazaxıstan müdafiə nazirləri Sergey Şoyqu və Adilbek Caksıbekovun ikitərəfli görüşü keçirilib. Görüşdə hərbi və hərbi-texniki əməkdaşlıq məsələləri müzakirə edilib. Hər üç görüş başa çatdıqdan sonra RF və Azərbaycan, RF və Ermənistan, RF və Qazaxıstan müdafiə nazirlikləri arasında 2014-ü il üçün ikitərəfli əməkdaşlıq planları imzalanıb. -0-