![Zaur Qurbanlıya cəmiyyətin dəstəyi artır](https://turan.az/resized/./turan-750-500-resize.webp)
Zaur Qurbanlıya cəmiyyətin dəstəyi artır
“N!DA” Vətəndaş Hərəkatı İdarə Heyətinin üzvü Zaur Qurbanlının sentyabrın 29-da qanunsuz olaraq saxlanmasına etirazlar artır.
Bəstəkar Elmir Mirzəyev, Mübariz Əzimli, Qurban Ələkbərov, musiqiçi Camal Əli, Hacı Hacıyev, eləcə də 50-ə yaxın gənc bu həbsə etiraz olaraq hərəkata qoşulduqlarını bəyan ediblər.
Bəstəkar E.Mirzəyev hərəkata Azərbaycanda həqiqi vətəndaş cəmiyyətinin qurulması üçün qoşulduğunu bildirir. O, gənc dostlara bu işdə dəstək verəcəyini bildirir. Mübariz Əzimli, cinayətkar siyasi rejimlə mübarizənin önündə N!DA-nın olduğu üçün azad, demokratik, firavan vətəndaş cəmiyyətinin qurulması uğrunda mübarizədə N!DA-nın yanında olacağını vurğulayıb.Qurban Dağlı isə gənclərin ölkənin işıqlı gələcəyi naminə apardıqları mübarizəyə dəstək üçün qoşulduğunu nəzərə çatdırıb. Həmçinin Azərbaycanın tez bir zamanda avtoritarizmdən azad olmasına “N!DA”nın töhfə verəcəyini söyləyib.
Qeyd edək ki, 2011-ci ildə təsis edilən “N!DA” Vətəndaş Hərəkatı Azərbaycanda vətəndaş cəmiyyəti, demokratik-hüquqi dövlətin qurulması, hüququn aliliyinin təmin edilməsi, sosial-iqtisadi dəyişikliklərin həyata keçirilməsi ideyaları uğrunda mübarizə aparır. -05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz