![Zəfər Quliyevin anım filmi](https://turan.az/resized/750/500/resize/media/2015/main/021400106581.jpg)
Cümə axşamı Müsavat Partiyasının mənzil-qərargahında tanınmış politoloq, yanvarın 29-də dünyasını vaxtsız dəyişmiş Zəfər Quliyevin anım gecəsi keçirilib.
Gecədən öncə Z.Quliyevin həyatı, dünyaya baxışları haqda 15 dəqiqəlik film nümayiş etdirilib.Filmi onun oğlu İlkin Zəfərli çəkib.
Sonra çıxış edən İsa Qəmbər, Əli Abbasov, Rauf Arifoğlu, Rəhman Bədəlov, Atif Hacılı Toğrul Cuvarlı və başqaları Z.Quliyevin Azərbaycan jurnalistikasında analitika janrının inkişafına töhfəsindən, onun ümumi fikrə təsirindən danışıblar.
Z.Quliyevin məqalələri özünün ensiklopedik dərinliyi və genişliyi ilə fərqlənib, T.Cuvarlı bildirib. O, Z.Quliyevin özünə xas olan, baş verənlərə romantik baxışlarını qeyd edib.
Professor R.Bədəlovun fikrincə, Zəfərin proseslərə optimist, təsirli baxışı cəmiyyətdə dəyişiklik gözləntisindən irəli gəlirdi.
“Müsavat” qəzetinin redaktoru R.Arifoğlu Z.Quliyevin yaradıcılıq irsinin saxlanmasından danışarkən politoluqun müxtəlfi illərdə dərc olunmuş yazıları haqda məlumat bazasının yaradılması təşəbbüsünü irəli sürüb.
Z.Quliyev müxtəlif illərdə Azərbaycan Elmlər Akademiyasında çalışıb, siyasi məsləhətçi, müxtəlif siyasi strukturlarda proseslərin iştirakçısı olub, Turan İnformasuya Agentliyinin analitika xidmətində çalışıb. Son illər Minval.az saytının analitika şöbəsinə rəhbərlik edib.—0—
-
- İqtisadiyyat
- 14 Fevral 2015 10:17
-
- Siyasət
- 14 Fevral 2015 11:32
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz