centralbanking.com
1 milyard manat necə bölüşdülsün?
İlham Əliyev koronavirus (COVID-19) pandemiyasının yaratdığı böhranla mübarizə haqqında sərəncam imzalayıb. Sərəncamda nəzərdə tutulub ki, 2020-ci il dövlət büdcəsindən Azərbaycan Respublikasının Nazirlər Kabinetinə 1 milyard manat ayrılsın. Bu məbləğ cari il üçün ÜDM-in 1,2 faizini, dövlət büdcəsi gəlirlərinin 4,14 faizini təşkil edir. Müqayisə üçün qeyd edim ki, anoloji məqsəd üçün 1,3 trilyon dollar ayıran ABŞ federal büdcə gəlirlərinin 43 faizini, büdcə xərclərinin 32,5 faizini, 82 milyard dollar ayıran Kanada isə ÜDM-in 3 faizini koronavirus pandemiyasının təsirlərinin neytrallaşdırlılmasına yönəldir.
Prezident sərəncamından bəlli olur təkliflərin hazılanması və maliiyələşmənin başlaması ən azı 3 həftə vaxt aparacaq, hətta məşğulluq tədbirləri üzrə bu müddət 1 aya qədər uzanacaq.
Bu sərəncamla bağlı 2 məqama toxunmaq istərdim.
1. Ayrılan vəsaitin hələ bir hissəsinin də korrupsiyanın yeminə çevriləcəyini nəzərə alsaq, bu yaranan xərcləri, baş verən itkiləri bərpa etmək və real iqtisadiyyatı qidalandırmaq üçün kifayət etməyəcək.
2. Sərəncamdan irəli gələn tapşırıqların icrası üçün ayrılan vaxtın uzadılması göstərir ki, ya hakimiyyət bu prosesə hazır deyil, ya da hökümət icra müddətini uzatmaqla vaxt qazanmağa üstünlük verir.
Ümumiyyətlə hesab edirəm ki, bu böhranın xərcləri yalnız maliyyə yardımı ilə itkilər yalnız dövlət büdcəsindən ayrılan maliyyə yardımı ilə kompensasiya edilməli deyil, o dövlət şirkətləri və özəl bölmənin sosial məsuliyyət və həmrəyliyi ilə də azaldılmalıdır.
Odur ki, təklif edirəm ki:
1) Aprel ayın 1-dən etibarən növbəti rübdə idxal olunan əsas ərzaq məhsulları, tibbi ləvazimatları və dərman prepararatları gömrük rusumlarından və idxalda Əlavə Dəyər Vergisindən azad edilsin.
2) Kommersiya banklarına olan kredit borclarının və dövlət büdcəsinə mənbədən tutulan vergilərin ödənilməsinə gələn aydan 6 ay müddətində moratorium qoyulsun.
3) Kiçik və orta biznesə qaytarılmasına gələn ildən başlanan uzumüddətli və aşağı faizli kredit xətti açılsın.
4) Aprein 1-dən böhranın təsir etdiyi sahələr üzrə işə götürənlərə və işləyənlərə birbaşa aylıq ödənişlər edilsin.
5) Bu aydan başlayaraq işini itirənlərə növbəti ay üçün əmək haqqlarının 90 faizi həcmində birbaşa nağd ödənişlər edilsin.
6) Aprelin 1-dən ünvanlı dövlət sosial yardımının təyin edilməsi məqsədilə 2020-ci il üçün ehtiyac meyarının həddi 160 manatdan cari il üçün yaşayış minimumu ölkə üzrə dəyərinə 190 manata çatdırılsın. Ünvanlı sosial yardımın əhatə dairəsi genişləndirilsin.
7) Aprelin 1-dən pensiyaların minimum məbləği 200 manatdan 250 manata, minimum əmək haqqı məbləği 250 manatdan 300 manata, əlillərin müavinəti isə 50 faiz qaldırılsın.
8)Aprelin 1-dən rəsmi işsiz statusu olan qeyri-məşğul əhalinin hamısına minimum əmək haqqı səviyyəsində - ayda 300 manat müavinət ödənilsin.
9) Apteklərdə, mağazalarda, banklarda, poçt idarələrində, ictimai xidmətlər göstərən dövlət şirkətlərində və özəl müəssisələrdə (internet və digər kommunikasiya vasitələrinin təminatında) çalışanların əməyi stimullaşdırılsın və onlar lazımı mühafizə vasitələri - tibbi maska, tibbi əlçək və sair ləvazimatlarla büdcədən ayrılmış vəsaiti hesabına təmin edilsin.
10) Büdcədən ayrılmış 1 milyard manat vəsaitin xərclənməsinin şəffaflığı təmin edilsin və bununla əlaqədar müntəzəm sürətdə əhali məlumatlandırılsın.
-
- Foto sessiyalar
- 21 Mart 2020 03:08
-
- Cəmiyyət
- 21 Mart 2020 10:28
Söz istəyirəm
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
-
Azərbaycan Dövlət Kütləvi İnformasiya vasitələri və “yalançının kor şahidi” qismində çıxış edən yandaş media erməni əsirliyində olan adamlara verilən ağır işgəncələr haqqında tez-tez heyrətləndiricü söhbətlər, əsirin şəxsiyyətinin və ləyaqətinin alçaldılması haqqında süjetlər, söhbətlər, müsahibələr verirlər.
-
Belə getsə London Yüksək Məhkəməsi böyük uyğur mütəfəkkiri Mahmud Kaşğarinin və onun təkrarsız dil abidəsi olan "Divanü Lüğat-it-Türk" əsəri üzərinə də həbs qoyacaq. Dünən oxudum ki, Mahmud Kaşqari adına Beynəlxalq Fondun təsisçiləri xalq yazıçısı Anar və Elxan Zal Qaraxanlı Fondun yeni rəhbəri kimi Milli Məclisin deputatı Cavanşir Feyziyevin namizədliyini irəli sürüblər. Cavanşir Feyziyev Mahmud Kaşqari adına Beynəlxalq Fondun yeni prezidenti oldu.
Rəy yaz