Deməli dostlar, dünən hakimiyyət orqanları tərəfindən törədilən qanunsuzluq və zorakılıq faktları barədə Bakı şəhər Baş Polis İdarəsinin açıqlaması yayılıb. Orada göstərilir: "Noyabrın 17-si saat 16 radələrində Azərbaycan Xalq Cəbhəsi Partiyasının təxmini sayı 150 nəfərə qədər olan üzvləri Bakı Şəhər Baş Polis İdarəsi tərəfindən əvvəlcədən xəbərdarlıq edilmələrinə baxmayaraq, özlərinin adlandırdıqları "Meydan hərəkatı"nın 30 illiyi ilə əlaqədar, əslində isə siyasi məqsədlərlə paytaxtın Parlament prospektinə toplaşmaqla Şəhidlər Xiyabanı istiqamətində yürüş-mitinq keçirməyə cəhd göstəriblər."
Maraqlıdır, dövlət tərəfindən rəsmən "Dirçəliş günü" kimi tanınmış və təsdiq edilmiş tarixi bir gün Bakı şəhər Baş Polis İdarəsi tərəfindən "özlərinin adlandırdıqları "Meydan hərəkatı"nın 30 illiyi" ifadəsi ilə ələ salınır, ona qeyri-rəsmi məzmun verilir.
İstər AXCP sədri Əli Kərimli, istər mən və istərsə də Milli Şuranın və Cəbhənin rəhbərliyinə daxil olan digər ictimai-siyasi xadimlər 17 noyabr ziyarəti öncəsi ictimaiətə çağırışlarında, hansısa bir mitinq və yürüşdən deyil, bilavasitə "Dirçəliş günü" münasibəti ilə "Şəhidlər xiyabanının" ziyarət edilməsindən, şəhid məzarlarına gül qoyulmasından, Azərbaycanın istiqlalı və azadlığı üçün canlarını fəda etmiş qəhrəmanların aadlarının və əməllərinin anılmasından gedirdi.
Məsələn, bu ziyarətlə bağlı mənim noyabrın 15-də saat 20:54-də sosial şəbəkədə yaydığım müraciaəti olduğu kimi Sizə təqdim edirəm: "Dostlar! Noyabrın 17-də Meydan hərəkatının 30 illiyi tamam olur. Bu hərəkat xalqımızın, millətimizin dirilik məqamı idi. Bu tarixi gün münasibəti ilə Milli Şura olaraq AXCP ilə birlikdə noyabrın 17-də saat 15:00-da Şəhidlər Xiyabanını ziyarət edəcəyik. Sizləri də bu ziyarətdə görməkdən məmnun olardıq." Gördüyünüz kimi, burada söhbət mitinq və küçə yürüşündən deyil, yalnız ziyarətən gedir.
Hazırda dünən törətdikləri qanunsuz əməllərə, zorakılıq aktına, şəhid ruhlarına hörmətsiz münasibətlərinə hüquqi zəmin yaratmaq üçün polis orqanları ictimaiyyətə yalan məlumat verərək "ziyarət" tədbirini siyasi məqsədlərə xidmət edən "mitinq və küçə yürüşü" aksiyası kimi təqdim edirlər. Belə yanaşma noyabrın 17-də saat 15:00 radələrindən dinc ziyarətçilərə qarşı zorakılıq tətbiqinə "qanunçuluq" donu geyindirmək cəhdidir.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz