![3 may Ümumdünya Mətbuat Azadlığı Günüdür](https://turan.az/resized/750/500/resize/media/2019/main/050300018628.jpg)
3 may Ümumdünya Mətbuat Azadlığı Günüdür
"Müstəqil və plüralist kütləvi informasiya vasitələri bizim demokratik cəmiyyətlərin mühüm tərkib hissəsidir. Lakin son illər Avropada KİV tez-tez hücumlara və təhdidlərə məruz qalır. Bu, qəbuledilməzdir. Biz, Avropa Şurası və üzv dövlətlər söz və mətbuat azadlığının qorunması, jurnalistlərin təhlkükəsizliyinin təmin edilməsi ilə bağlı səylərimizi ikiqat artırmalıyıq", - Avropa Şurası Nazirlər Komitəsinin sədri və Finlandiyanın xarici işlər naziri Timo Soini Ümumdünya Mətbuat Azadlığı günü (3 may) münasibətilə bildirib.
Nazir 2019-cu il fevralın 19-da qəbul edilmiş Nazirlər Komitəsinin bəyannaməsini xatırladıb. Sənəddə demokratiyanın möhkəmləndirilməsində keyfiyyətli jurnalistikanın mühüm rolu qeyd olunur. Keyfiyyətli jurnalistika "ictimaiyyətə açıq olan müxtəlif, səhih, maraqlı və aktual informasiyanın spektrini genişləndirir, təbliğat, təhrif edilmiş informasiya və əsasən sosial şəbəkələrdə yer alan dezinformasiyaya qarşı mübarizə aparır".
"Demokratik proseslərin effektivliyi üçün müstəqil məlumatlandırılmış ictimaiyyətin olması, açıq və inklüziv müzakirələrin təşviqi lazımdır. Bununla əlaqədar biz süni intellektin insan haqlarının həyata keçirilməsinə, demokratik proseslərə və hüququn aliliyinə həm müsbət, həm mənfi təsirini öyrənməliyik".
Avropa Şurası özünün müxtəlif institutlarının və orqanlarının köməyilə fikrin ifadə olunması azadlığının, elektron demokratiya və süni intellektin müdafiəsində və irəliləməsində fəal iştirak edir. O həmçinin jurnalistikanın müdafiəsinə yardım üzrə Platformanın işini və jurnalistlərin təhlükəsizliyini dəstəkləyir ki, bu da KİV subyektləri və üzv dövlətlər arasında əməkdaşlıq və dialoq üçün mühüm zəmini təmin edir.
"Bu məsələlər əvvəlkitək Avropa Şurasının gündəliyində mühüm yer tutacaq. Mən həmçinin 2019-cu il noyabrın 6-8-də Strasburqda keçiriləcək Ümumdünya Demokratiya Forumunun informasiya və demokratiyaya həsr olunmasını alqışlayıram. Bu Forum bizim üzv dövlətlər və bütün avropalılar üçün mühüm olan məsələlərə dair müzakirələr və fikir mübadiləsi üçün açıq meydança olacaq", - Timo Soini bildirib.
-
- İqtisadiyyat
- 3 May 2019 15:07
-
- Siyasət
- 3 May 2019 16:10
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz