![AND beynəlxalq ictimaiyyəti referendumun yekunlarını qəbul etməməyə çağırıb](https://turan.az/resized/media/2016/main/092900170112-750-500-resize.webp)
AND beynəlxalq ictimaiyyəti referendumun yekunlarını qəbul etməməyə çağırıb
Avropadakı azərbaycanlı siyasi mühacirlərin təşkilatı olan AND (“Azərbaycan üçün demokratiya”) Konstitusiyaya düzəlişlər üzrə 26 sentyabr referendumu ilə əlaqədar bəyanatla çıxış edərək, səsverməni “qeyri-azad və ədalətsiz” adlandırıb.
Bəyanatda Azərbaycan hökumətinin Avropa Şurası və ATƏT üzvü olaraq Venesiya Komissiyası və ATƏT-lə Referendum Aktı ilə bağlı ilkin məsləhətləşmələr aparmamasına təəssüf ifadə olunur.
AND Venesiya Komissiyasının ölkə Konstitusiyasına düzəlişlərin prezidentə “misli görünməmiş” səlahiyyətlər verərək, hakimiyyətin tarazlığını ciddi şəkildə poza biləcəyi haqqında rəyini alqışlayır.
AND Azərbaycan hökumətinin əvvəllər də olduğu kimi, məşhur “kürü diplomatiyası” metodundan istifadə edərək, səsverməni müşahidə etmək üçün Assambleyanın müvafiq mandatı olmayan AŞPA üzvlərindən ibarət qrupu dəvət etməsindən və nümayəndə heyəti üzvlərinin şəxsi fikrindən AŞ və AŞPA-nın mövqeyi kimi istifadə etməsindən narahatdır. Bu cür səfərlər və bəyanatlar AŞPA-nın nüfuzuna kölgə salır.
AND referendumda saxtakarlıqları, iştirak haqqında məlumatların dəfələrlə şişirdilməsini, “karuselləri”, bülletenlərin kütləvi şəkildə atılmasını pisləyib və referendumun azad və ədalətli olmadığını hesab edir.
“Yüzlərlə yoxlanılmış fakta, o cümlədən səsvermənin saxtalaşdırılması haqqında süjetlərə əsaslanaraq, AND bildirir ki, referendum baş tutmayıb”, deyə bəyanatda bildirilir.
AND bütün demokratik qüvvələr adından bütün hökumətləri və beynəlxalq təşkilatları referendumun saxtalaşdırılmış nəticələrini qəbul etməməyə və öz prinsipial mövqelərini ifadə etməyə çağırıb.
*AND sentyabrın 11-də Strasburqda azərbaycanlı siyasi mühacirlərin iştirakı ilə təsis edilib. Görüşdə Demokratik Qüvvələrin Milli Şurasının sədri Cəmil Həsənli də iştirak edib. -06D-
-
- İqtisadiyyat
- 29 Sentyabr 2016 13:42
-
- Analitika
- 29 Sentyabr 2016 14:00
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz