Açiq mənbələrdən foto.
- Söz istəyirəm
- 12 Aprel 2022, 13:47
- 259
Binəqədi polisi “terrorçuları” necə yaxalayır
Bir ay əvvəl Bakı məktəblərindən birinin yeddinci sinif şagirdi Mehdi (adı dəyişdirilib) polisin diqqət obyektinə çevrilib. Buna səbəb saxta ünvandan göndərilən anonim elektron məktub olub. Paytaxtın Binəqədi rayonunda yerləşən Baku İnternational School-a ünvanlanmış məktubda Mehdinin bu məkkəbi partlatmağa hazırlaşdığı iddia olunurdu. Bu zaman yeniyetmənin mobil telefon nömrəsi də göstərilmişdi.
Elə həmin gün axşam Mehdi valideynləri ilə birlikdə Nəsimi rayon polis idarəsinə çağırılıb, burada araşdırma aparılıb. Məlum olub ki, məktubu hansısa Qazaxıstan vətəndaşı yazıb. Mehdi guya WhatsApp yazışmasında öz planları haqqında ona danışıb. Lakin yazışmanı tədqiq edən polislər ittihamların təsdiqini tapmayıblar.
Elə həmin gün axşam Binəqədi rayon 5-ci polis bölməsində də bənzər araşdırma aparılıb. Yazışmaların tədqiqi də Mehdinin kimə isə belə bir plan haqqında danışdığını və ya yazdığını təsdiq etməyib.
Yeniyetmə öz ifadəsində deyib ki, məktubu kimin yazdığını bilir və bunun səbəbini izah edib: özü kimi yeniyetmələrdən ibarət internet qrupunun üzvü olarkən Mehdi onlardan biri – Qazaxıstan sakini ilə mübahisə edib. Mübahisəyə Qarabağda müharibə ilə əlaqədar Azərbaycanın ünvanına təhqirlər səbəb olub.
Həqiqi vətənpərvər olan Mehdi bu təhqirlərə lazımi cavabı verib və rəqibini bloklayıb. Mehdidən intiqam almaq qərarına gələn Qazaxıstanlı yeniyetmə Bakıdakı məktəbin ünvanına yalan məktub göndərib.
Nəsimi rayon Polis İdarəsində və Binəqədi rayon 5-ci polis bölməsində araşdırmalar bütün bunları təsdiq edib. Nəsimi rayon Dövlət Təhlükəsizlik Xidməti də eyni nəticəyə gəlib.
Bununla belə, Binəqədi rayon Polis İdarəsi Mehdini aprelin 11-də yenidən valideynləri ilə birlikdə dindirməyə çağırıb.
Müstəntiq Ramil Qabulov iddia edib ki, Mehdi bu məktubu yazıb və “uşagın əməlində cinayət tərkibi var, gəlib ifadə verməlidir”.
Valideynlərin iş materialları ilə tanış olmaq və belə bir şey olmadığından əmin olmaq təklifinə cavabda narazı müstəntiq, əvvəlki ifadələri vərəqləyib və yenidən tələbini təkrar edib. Əks halda “başqa tədbir görüləcək”.
“Digər yeniyetmə Mehdinin telefon nömrəsini hardan öyrənib?”, deyə o sual edib. Polis kapitanına WhatsApp-dakı yazışmaların telefon nömrələri arasında yazışma olduğunu izah etmək lazım gəlib.
“Övladınız niyə siyasətlə məşğul olur?”, deyə müstəntiq daha bir sual verib və ona uşağın bir vətənpərvər kimi davrandığını, kiməsə xalqını və ölkəsini təhqir etməyə imkan vermədiyini təkrar etmək lazım gəlib.
Amma, görünür, Binəqədi polisinin vətənpərvərlik haqqında təsəvvürü fərqlidir. Hüquq mühafizəçiləri üçün təxribatçılara inanmaq və telefon terroruna qarşı “mübarizə apardıqlarını” nümayiş etdirərək, formalizmlə məşğul olmaq daha rahatdır.
Müstəntiq Ramil Qabulov Mehdinin zərərçəkmiş şəxs olduğunu dərk etmək istəmir. Yeniyetmə, ittiham olunduğu əməlləri törətməyib və eyni izahları dəfələrlə təkrar etməməlidir. O da ölkəsinin bir vətəndaşıdır və polis nəinki bunu nəzərə almalı, həm də onun hüquqlarını müdafiə etməlidir. Amma, göründüyü qədər, bu Qabulovların borc və vətənpərvərlik haqqında təsəvvürü fərqlidir.
Mehdinin valideynləri
PS. DİN Mətbuat Xidmətinin şöbə rəisi, polis mayoru Elşad Hacıyev bildirib ki, məktəbə daxil olan anonim elektron məktubla bağlı araşdırma aparılır. Araşdırmanın aparılması həmin məktubun kim tərəfindən və nə məqsədlə göndərilməsini aydınlaşdırmaqdan ibarətdir. Hazırda bu istiqamətdə müvafiq tədbirlər davam etdirilir.
-
- Maliyyə
- 12 Aprel 2022 13:58
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz