vnnews.ru
Deyəsən yenə tarixin təkrarına cəhdlər edilir
Etiraf etmək lazımdır ki, ötən əsrin 80-ci illərinin sonlarında Dağlıq Qarabağda separatist hərəkat başlayan ermənilər buna çox ciddi hazırlaşmışdılar. Yalnız Sovet İttifaqının daxilində deyil, xarici ölkələri, həmin ölkələrin geniş siyasi dairələrini də bu kampaniyaya qoşa bilmişdilər. Əlbəttə, həmin dövrdə ABŞ senatorları və konqresmenləri tərəfindən Mixail Qarboçova yazılan məktub və müraciətlər onların öz "yaradıcılıq" və "yanqılarının" məhsulu deyildi.
Eyni dövrdə yazılmış və məzmunu bir-birini təkrar edən bu məktublar Amerikadakı erməni diaspor təşkilatlarında yazılır, senatın və nümayəndələr palatasının üzvlərinə imzalatdırılırdı. Əminliklə deyim ki, bu sənədləri imzalayan Amerika qanunvericiləri imzaladıqları məktub və müraciətlərdəki faktların heç birini bilmirdilər, sadəcə onlar Birləşmiş Ştatlardakı erməni diaspor təşkilatlarının "mirzələrinə" çevrilmişdilər.
Diqqət edin 1988-ci ilin dekabrın 7-də konqresmen Uilyam Ford, bir gün sonra, dekabrın 8-də isə nümayəndələr palatasının üzvü Barbara Boxer Qorbaçova məktub göndərir. Hər ikisi 1923-cü ildə Azərbaycan tərəfindən "ilhaq" edilmiş Dağlıq Qarabağın Ermənistana birləşdirilməsin tələb edir. Həmin vaxt Ermənistanda və Dağlıq Qarabağda yaşayan azərbaycanlılar qətllərə, terror və və talanlara məruz qalsalar da, onların taleyi haqqında bu məktublarda bircə kəlmə də deyilmir. Onlar Qorbaçovdan Azərbaycanda yaşayan ermənilərin təhlükəsizliyi təmin etməyi tələb edirlər, məhz ermənilərin. (?)
Bu məqsədlər onlar Andrey Saxarovun 1988-ci ilin noyabrında elan etdiyi tamamilə ermənilərin maraqlarına xidmət edən "4 prinsipini" əldə bayraq edir və Mixail Qorbaçovdan Saxarov prinsiplərini təmin etməyi tələb edirlər. Hətta Azərbaycanda yaşayan ermənilərin "özünümüdafiə" məqsədi ilə silahlandırılması kimi sərsəm iddilar bu prinsiplərdə və ona istinad edən məktublarda öz əksini tapmışdı. Hazırda Minsk qrupu həmsədrlərin keçmiş Dağlıq Qarabağ məsələsi ətrafında vurnuxmalarını, Rusiyalı həmsədrin Xankəndinin separatçı rejim başçıları ilə görüşməsi kimi pozuculuq əməllərini görəndə Rusiya Dövlət Ən Yeni Tarix Arxivində saxlanılan bu sənədlər yadıma düşdü. Deyəsən yenə tarixin təkrarına cəhdlər edilir.
-
- Cəmiyyət
- 8 Sentyabr 2021 18:18
Söz istəyirəm
-
Əhalinin çox olduğu paytaxt Bakıda taksi sənayesi həm şəhərin nəqliyyat şəbəkəsinin mühüm hissəsidir, həm də mühüm məşğulluq mənbəyidir. İnformasiya Texnologiyaları və Nəqliyyat Nazirliyinin məlumatına görə, hazırda şəhərdə 28 000 taksi sürücüsü çalışır.
-
ABŞ federal tədqiqatçıları Demokrat konqresmen Henri Kuelların Azərbaycanın idarə etdiyi neft şirkəti və Meksikadakı bankdan $600,000 dollar həcmində rüşvət alması ittihamı ilə bağlı işdə artıq üç nəfər təqsirini etiraf etdiyini bildirir.
-
Mayın 3-də ABŞ-ın Bakıdakı səfiri Mark Libbinin böyük müsahibəsi çox səs-küy yaratdı və siyasi müzakirələrə səbəb oldu. Eyni zamanda, Amerika diplomatiyası, eləcə də səfirlik personalının işilə bağlı bir sıra vacib amili ortaya qoydu.
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
Rəy yaz