Fevralın 18-də Suraxanı rayonunun polis işçiləri Hollandiyada yaşayan siyasi mühacir Orduxan Temirxanın dörd bacısını, onların ərlərini və uşaqlarını polisə aparıblar. Onlardan tələb ediblər ki, blogeri siyasi fəaliyyətinə və Azərbaycan hökumətinə qarşı tənqidlərə son qoymağa məcbur etsinlər.
Polisdə olan qohumlar telefonla blogerlə danışaraq polisin tələblərini ona çatdırıblar. Orduxan qəzəblənərək polislərdən dərhal qohumlarını azadlığa buraxmalarını tələb edib və bildirib ki, Azərbaycan hakimiyyətinə qarşı tənqidlərə son verməyəcək. Buna cavab olaraq polislərdən biri deyib ki, blogerin özünü də “tutub dərsini verəcəklər”.
O.Temirxanın dediklərinə görə, onunla danışan polis Suraxanı polis bölməsinin rəisi Namiq Həsənovdur. Qohumlarını polisə onun əmrilə aparıblar.
Bir neçə saatdan sonra qadınları buraxıblar. Kişiləri isə saxlayıblar.
Turan-ın DİN mətbuat xidmətindən şərh almaq cəhdləri baş tutmayıb.
Bloger özü baş verənləri qohumlarının qaçırılması kimi qiymətləndirərək polisin hərəkətini “mənəviyyatsızlıq” adlandırıb.
Polisin hərəkətləri ictimaiyyət və siyasi xadimlər arasında böyük narazılıq yaradıb. Onlar baş verənləri hakimiyyətin özbaşınalığı kimi qiymətləndirərək DİN rəhbərliyindən öz tabeliyində olanların hərəkətinə qiymət verilməsini tələb ediblər.-02D-
Söz istəyirəm
-
Azərbaycanda iqtidaryönümlü mətbuatın özünəməxsus və lazımınca qiymətləndirilməyən keyfiyyətləri var.
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
Rəy yaz